وڭلاسىن اتبەگى ومىردەن وزدى

جەتىسۋ وڭىرىنە اتبەگىلىك ونەرىمەن تانىمال بولعان وڭلاسىن قاريا   فانيدەن باقيعا اتتاندى، دەپ حابارلادى ۇلتتىق سپورت قاۋىمداستىعى. سانالى عۇمىرىن اسىل تۇقىمدى جىلقى باعۋمەن وتكىزگەن تاجىريبەلى اتبەگى، كانىگى شاباندوز تۋرالى كەڭىنەن ءسوز قوزعاۋدى الداعى كۇندەردىڭ ەنشىسىنە قالدىردىق. ال،  جەتىسۋ وڭىرىنە ەسىمى ءماشھۇر Əبىقاي جاپاروۆ، نəركەن قالىبەكوۆ سىندى اتاقتى اتبەگىلەردەن ءتالىم العان وڭلاسىن اقساقالدىڭ ونەگەلى ءومىرى ىقشامداي ايتقاندا تومەندەگىدەي ورىلەدى.

وڭلاسىن  ساتىبالدى ۇلى – 1940 جىلى الماتى وبلىسى،  جامبىل اۋدانى، دەگەرەس اۋىلىندا دۇنيەگە كەلگەن. جەتىسۋ وڭىرىنە ەسىمى ءمالىم قارت اتبەگى سەكسەن جاسىندا ومىردەن وزدى.  

وڭلاسىن ساتىبالدى ۇلى بالا كۇنىنەن جۇيرىك اتقا قۇمار بولىپ، اۋىل، اۋدان كولەمىندە عانا ەمەس، الماتى قالاسى يپپودرومىنداعى جارىستاردا شاباندوزدىق ونەر كورسەتكەن. الماتى يپپودرومىندا وتكەن 1958 جىلعى الامان بايگەدە وڭلاسىن شاباندوز «ابىقايتورى» اتتى جۇيرىكپەن باس جۇلدەنى ولجالايدى.

وڭلاسىن ساتىبالدى ۇلى  55 جاسىندا قىرعىزستان رەسپۋبيكاسى ۇيىمداستىرعان ۇزاق قاشىقتىقتاعى الامان بايگەگە قاتىستى (1995 ج). «ماناس» ەپوسىنىڭ 1 000 جىلدىعى قۇرمەتىنە ارنالعان بۇل الامان بايگەنىڭ قاشىقتىعى  بىر مىڭ شاقىرىمدىق. ءار شاباندوز قوس اتپەن باق سىناعان كوپ كۇندىك الامان بايگە تۇركىمەنستان استاناسى اشحابادتان باستالعان.

جەتىسۋ وڭىرىنە ەسىمدەرى ايگىلى Əبىقاي جاپاروۆ، نəركەن قالىبەكوۆ سىندى اتاقتى اتبەگىلەردى ۇستاز تۇتقان وڭلاسىن اتبەگى شيرەك عاسىر ىشىندە قارلىعاش، ەلىك، شاعالا، س ۇلىكقارا، سۇڭقار، ناربوتا، كەربوتا، كوكتاي، سارىتاي، باسباتىر، جىبەك، گەركۋلەس، اقتاناۋ، داراتورى، بوتاكوز، تاسقارا، بەرىكقارا سياقتى سايگ ۇلىكتەردى باپتاپ، كوپتەگەن رەسپۋبيكالىق الامان بايگەلەردىڭ باس جۇلدەلەرىن ولجالاپتى.

الماتى وڭىرىندەگى ارىقباەۆ بەرىك، نۇرباەۆ عالىمجان، قالىبەكوۆ ايدوس، قۇتتىباي جاندوس سىندى جاس باپكەرلەر وڭلاسىن اتبەگىنىڭ ءتəلىم-تəربيەسىن العان شاكىرتتەرى. قارت اتبەگى سوڭعى جىلدارى الماتى وبلىسى، جامبىل اۋدانى، سۇڭقار اۋىلىندا تۇردى. وڭلاسىن اتبەگىنىڭ ۇلى  ەرتىلەۋ ساتىبالديەۆ ەلىمىزگە تانىمال اتبەگى، بايگە تۇرلەرىنەن باس تورەشى، رەسپۋبليكالىق «بايگە» فەدەراتسياسىنىڭ ۆيتسە-پرەزيدەنتى.

بۇگىن ۇلتتىق سپورت قاۋىمداستىعىنىڭ پرەزيدەنتى بەكبولات تىلەۋحان وڭلاسىن اتبەگىنىڭ ۇلى  ەرتىلەۋ ساتىبالديەۆكە قايعىلى قازاعا سابىر تىلەگەن كوڭىل ايتۋ جەدەلحاتىن جولدادى.