Portýgalııa – fýtbol laboratorııasy

Nege Portýgalııa?

Portýgalııa fýtbolshy daıyndap satýdan álemdegi nomeri birinshi el. Eýropadaǵy ómir súrý deńgeıi arzan. Oqý aqysy tómen. Qazaqstan halqynyń qaltasy kótererlikteı. Legıonerlerge lımıt joq. Fýtbol mádenıeti qalyptasqan, óte joǵary. Álemniń №1 fýtbolshysy da – Krıshtıano Ronaldo, álemniń №1 jattyqtyrýshysy – Joze Moýrıno da Portýgalııadan shyqqan. Bul bizdiń balalarǵa úlken stımýl bolary anyq.

Arlandar FK atynan bardyq, Qazaqstannyń ókili boldyq. Eshqandaı júreksinbeı FIFA, ÝEFA-nyń tıisti mamandaryna, álemniń alpaýyt fýtbol klýbtaryna tikeleı baılanysqa shyqtym. Nátıjesinde, Portýgalııanyń Braga kýbogy týrnırine shaqyrtý aldym. «Arlandar» atynan baryp, búkil Qazaqstannyń atynan ókil bolyp kettik.  Barlyq jaǵdaıdy sol jerde túsindim. Sebebi, bilýimizshe «Astanadan» basqa osy kúnge deıin Qazaqstannan birde bir fýtbol klýby kelmepti.

Alǵashqy kúnderi Qazaqstandy bilmeı qınalǵan edi, sońynda bári Qazaqstan dep jankúıer boldy. Estimegen eli bolǵandyqtan ba alǵashqy ashylý saltanatynda bizge búkil stadıon aıaqtarynan tik turyp qoshemet kórsetti. Áıtpese bizden bólek, Eýropa, Latyn Amerıka elderinen de klýbtar kelgen edi. Gazetteri ár nómirinde basqa el emes tek Qazaqstannan «Arlandar» FK dep jazyp jatty. Halqy da tek bizge erekshe qurmet kórsetip, barlyǵy kezekke turyp sýretke tústi. Kóz aldyńyzǵa stadıonnyń kópshiligi sizben sýretke túsip turǵanyn elestetip kórińizshi!

Qazaqstannan fýtbol klýbynyń qatysý olar úshin úlken jańalyq boldy. Bul áserimdi bir sózben aıtar bolsam, ózimdi ózge ǵalamshardan kelgendeı sezindim…

Qolymyzdan kelgenshe Qazaqstandy tanytýǵa tyrysyp baqtyq. Jabylý saltanatynda stadıon sahnasynda «Qara jorǵa» bıin bılep berdik. Trıbýna bizdi otyrǵyzbady, qaıta bıletkizdi. О́zderi de bıledi…

Klýb basshylary: klýb halyqtiki.

Portýgalııada klýb basshylarynan kóp estigenim – klýbtyń ıesi halyq deıdi. Basshylyq ózderin jaı uıymdastyrýshylar retinde sezinedi. Halyqtan qatty qaımyǵatyndaı kórindi. Jabylý saltanatynda 90-nan asa komandany sahnaǵa shyǵarý biraz kúsh. Sodan bolar Braga ákimi sharshaǵan bolý kerek, sońǵy 3-4 komandany sahnaǵa shyǵarmaı-aq tómende marapattap qaıtarǵysy kelgen edi, stadıon halqy birden óretúregeldi. Odan adamnyń záresi qashpaý múmkin emes. Lezde sahnaǵa shyǵardy. Basshylary halyqtyń pikirimen sanasqandy jón kóredi.

Balalary da erkin oıly, asqaq rýhty. О́kinishke oraı, qul bolǵan men bolmaǵannyń aıyrmashylyǵy qatty bilinip turady eken. Bizdiń balalar qatty áserlendi, úlken tájirıbe boldy.

Meni tańqaldyrdy

Kóp nársege tań qala qoımas edim. Biraq, Portýgalııada balalar úıiniń bolmaýy, abort jasatýǵa tyıym salynǵany meni tań qaldyrdy. Árıne odan keıin fýtboly da óz áserin bermeı qoımady. Olar fýtboldy bılep júrip oınaıtyndaı kórindi.

Qazaq halqymen bir uqsastyǵy – shashý shashady eken. Komandalary jeńiske jetse shashý shashatyn dástúri bar.

Nátıje

Qazaqstannan bir fýtbol klýbynyń kelgenin estigen Portýgalııa kásibı fýtbol klýbynyń prezıdenti Marıo Kosta myrza arnaıy Lıssabonnan kezdesý úshin keldi. Paıdaly kelisimder boldy. Ázirge qupııa.

Bragalona fýtbol klýbymen áriptestik memorandýmyna qol jetkizdik. Portýgalııadaǵy jarystarǵa turaqty túrde shaqyrtý, tájirıbe almasý, t.b. sııaqty birqatar kelisimder jasastyq.

Jaqyn ýaqytta biz úshin úlken sensaııa jańalyqtar bolady. Josparlarymyz qupııa. Nátıjesin aldaǵy ýaqytta kóre jatarsyzdar. Tek kútińizder degim keledi.

Fazylbek ÁBSATTARULY,
«Arlandar» FK prezıdenti