اۋىل شەكاراسىن شۇعىل جابۋ كەرەك!!!…

بەتى جامان! بۇگىن-اق بىزگە جەكە ادامداردى قۇتقارۋدى عانا ەمەس، ەلدى، ۇلتتى ساقتاپ قالۋدى ويلايتىن كۇن تۋدى! ال، ەلدىڭ، ۇلتتىڭ بەسىگى – ا ۋ ى ل !!! اينالايىن،ۇلت جاناشىرلارى! قۇرمەتتى مەملەكەتتىك حاتشى قىرىمبەك كوشەرباەۆ، ۇكىمەت باسشىسىنىڭ ورىنباسارى ەرالى توعجانوۆ، دەنساۋلىق ساقتاۋ ءمينيسترى ەلجان ءبىرتانوۆ، ىشكى ىستەر ءمينيسترى ەرلان تۇرعىمباەۆ مىرزالار! قادىرلى شۇعىل ءىس شتابىنىڭ مۇشەلەرى! اينالايىن «اۋىل» پارتياسىنىڭ توراعاسى ءالي بەكتاەۆ باۋىرىم! بۇل ىندەتتىڭ وشاعى استانا جانە رەسپۋبليكاداعى ءىرى قالالار بولىپ تۇرعانى انىق. ايتسە دە وبلىستاردان دا جامان حابارلار ءتۇسىپ جاتار. ولاي بولسا – تەز ارادا، شۇعىل تۇردە اۋىلداردىڭ شەكارالارىن تولىق جابۋ كەرەك!!! بەتى اۋلاق، اۋىلدارعا ءبىر شىرپى تۇسەتىن بولسا، ءبارى تۇتاسىمەن جانىپ كەتەدى!

بۇگىندە ءبىز قالالىق بولىپ الساق تا اۋىلدىڭ جاعدايىن جاقسى بىلەمىز. مەديتسينا تومەنگى دارەجەدە. مەديتسيناسىمەن اۋىل تۇگىلى بۇكىل الەمگە ۇلگى بولاتىن  مادريد، ريم، ميلان، پاريج، نيۋ-يورك نە بوپ جاتقانىن جاقسى بىلەمىز! اۋىل ادامدارى قۇدايشىل بولعانىمەن تۇتقيىل اپاتقا اسا سەنە قويمايتىن، ويىندا ارامدىعا از قاراپايىم جاندار. ءارى اۋىل دۇكەندەرىندە وزدەرى مەن بالا-شاعاسىنا تالعاجۋ قىلاتىن اس-سۋ، تاماق بىتكەن دە تىرەلىپ تۇرعان جوق. وسى سەبەپپەن قالاعا كەلگەن ءبىر ادام الگى پالەنى جۇقتىرسا، بۇكىل اۋىلعا تارايدى. اۋىل ادامىنا ۇيىڭدە وتىر دەپ ايتىپ، ونى باقىلاپ ءجۇرۋ دە قيىن شارۋا! ولاي بولسا، اۋىل شەكاراسىن  شۇعىل تۇردە تولىق جابۋ كەرەك تە، اپتاسىنا ءبىر رەت، ەكى رەت تاماق جەتكىزەتىن كەرۋەن-كولىك جىبەرىپ تۇرۋ كەرەك!!! بۇل دا وڭاي شارۋا ەمەس.  بىراق جاعداي ودان دا اۋىر. … وكىنىشكە قاراي، قالاعا كەلمەسە ىشكەن اسى باتپايتىن جەلوكپە جاستار از ەمەس. سولاردى تيۋ كەرەك! اۋىل-اۋىلعا جۇرەتىن قوعامدىق كولىكتەردى مۇلدەم دوعارعان ءجون! ىندەت اۋىلعا جەتتى دەگەن حابار كەلگەن سوڭ قيمىلداعان كەشىرىلمەس كەش بولادى! قالا ادامدارىن بارىنەن شەكتەگەندە اۋىل ادامدارىن دا بەتىمەن جىبەرمەيىك!!! …مەن مۇنى ەل پرەزيدەنتىنىڭ، ەلباسىنىڭ، پرەمەر- ءمينيستردىڭ، پارلامەنت، سەناتتىڭ اتىن اتاپ جازا المادىم. ول جانداردىڭ جۇمىستارى ونسىز دا باستان اسادى. ءارى بۇكىل جۇمىستى ورىنداۋشىلارمەن بايلانىستاعى، ناعىز العى شەپتەگى ادامدار وسى مەن اتاعان جاندار ەمەس پە؟ ارينە، مۇنى مەن عانا ويلادىم، سىزدەر بىلمەي وتىرسىزدار دەگەنىم ەمەس. ارناۋلى تاپسىرمالار دا بەرىلگەن بولار. سوندا دا بولسا ەل ازاماتى، ۇلت قايراتكەرى رەتىندە وسى ءبىر ماڭىزدى ماسەلەنى تاعى ءبىر ەسكە سالىپ، سىزدەردىڭ نازارلارىڭىزدى اۋدارعىم كەلدى.

وسىنىڭ ناسيحاتىن ءوز قولىڭا الشى اينالايىن اقپارات ءمينيسترى داۋرەن اباەۆ مىرزا! بىلەمىن، ونسىز دا وسى ءبىر اۋىر كۇندەرى العى شەپتە ءجۇرسىڭ!. اۋىل دەگەننىڭ اتا-بابالار مەكەنى، ەل بەسىگى ەكەنىن دە اۋىل بالاسى رەتىندە جاقسى بىلەسىڭ. وتىنەمىن سىزدەردەن!!!

نەسىپ جۇنىسباي ۇلى، جۋرناليست-جازۋشى، سپورت قايراتكەرى،

قازاقستان رەسپۋبليكاسىنىڭ ەڭبەك سىڭىرگەن قايراتكەرى.