Aýyl shekarasyn shuǵyl jabý kerek!!!…

Beti jaman! Búgin-aq bizge jeke adamdardy qutqarýdy ǵana emes, ELDI, ULTTY saqtap qalýdy oılaıtyn kún týdy! Al, ELDIŃ, ULTTYŃ besigi – A Ý Y L !!! Aınalaıyn,ULT janashyrlary! Qurmetti memlekettik hatshy Qyrymbek Kósherbaev, Úkimet basshysynyń orynbasary Eraly Toǵjanov, Densaýlyq saqtaý mınıstri Eljan Birtanov, Ishki ister mınıstri Erlan Turǵymbaev myrzalar! Qadirli Shuǵyl is shtabynyń músheleri! Aınalaıyn «AÝYL» partııasynyń tóraǵasy Álı Bektaev baýyrym! Bul indettiń oshaǵy astana jáne respýblıkadaǵy iri qalalar bolyp turǵany anyq. Áıtse de oblystardan da jaman habarlar túsip jatar. Olaı bolsa – tez arada, ShUǴYL túrde AÝYLDARDYŃ ShEKARALARYN tolyq jabý kerek!!! Beti aýlaq, AÝYLDARǴA bir shyrpy túsetin bolsa, bári tutasymen janyp ketedi!

Búginde biz qalalyq bolyp alsaq ta AÝYLDYŃ jaǵdaıyn jaqsy bilemiz. Medıına tómengi dárejede. Medıınasymen aýyl túgili búkil álemge úlgi bolatyn  Madrıd, Rım, Mılan, Parıj, Nıý-Iork ne bop jatqanyn jaqsy bilemiz! Aýyl adamdary qudaıshyl bolǵanymen tutqıyl apatqa asa sene qoımaıtyn, oıynda aramdyǵa az qarapaıym jandar. Ári aýyl dúkenderinde ózderi men bala-shaǵasyna talǵajý qylatyn as-sý, tamaq bitken de tirelip turǵan joq. Osy sebeppen qalaǵa kelgen bir adam álgi páleni juqtyrsa, búkil aýylǵa taraıdy. Aýyl adamyna ÚIIŃDE OTYR dep aıtyp, ony baqylap júrý de qıyn sharýa! Olaı bolsa, AÝYL ShEKARASYN  shuǵyl túrde tolyq jabý kerek te, aptasyna bir ret, eki ret tamaq jetkizetin kerýen-kólik jiberip turý kerek!!! Bul da ońaı sharýa emes.  Biraq jaǵdaı odan da aýyr. … О́kinishke qaraı, qalaǵa kelmese ishken asy batpaıtyn jelókpe jastar az emes. Solardy tııý kerek! Aýyl-aýylǵa júretin qoǵamdyq kólikterdi múldem doǵarǵan jón! Indet aýylǵa jetti degen habar kelgen soń qımyldaǵan keshirilmes kesh bolady! Qala adamdaryn bárinen shektegende AÝYL adamdaryn da betimen jibermeıik!!! …Men muny El Prezıdentiniń, Elbasynyń, Premer- mınıstrdiń, Parlament, Senattyń atyn atap jaza almadym. Ol jandardyń jumystary onsyz da bastan asady. Ári búkil jumysty oryndaýshylarmen baılanystaǵy, naǵyz alǵy sheptegi adamdar osy men ataǵan jandar emes pe? Árıne, muny men ǵana oıladym, Sizder bilmeı otyrsyzdar degenim emes. Arnaýly tapsyrmalar da berilgen bolar. Sonda da bolsa El azamaty, Ult qaıratkeri retinde osy bir mańyzdy máseleni taǵy bir eske salyp, Sizderdiń nazarlaryńyzdy aýdarǵym keldi.

Osynyń nasıhatyn óz qolyńa alshy aınalaıyn Aqparat mınıstri Dáýren Abaev myrza! Bilemin, onsyz da osy bir aýyr kúnderi alǵy shepte júrsiń!. AÝYL degenniń ata-babalar mekeni, el besigi ekenin de aýyl balasy retinde jaqsy bilesiń. О́tinemin SIZDERDEN!!!

Nesip JÚNISBAIULY, jýrnalıst-jazýshy, sport qaıratkeri,

Qazaqstan Respýblıkasynyń eńbek sińirgen qaıratkeri.