SportPress.kz قازاقستان سپورت جاڭالىقتارى
قازاقستان رەسپۋبليكاسى ۇلتتىق وليمپيادالىق كوميتەتىنىڭ پرەزيدەنتى تيمۋر ق ۇلىباەۆ گرەك-ريم كۇرەسىنەن قازاقستان قۇراماسىن پاريجدە ءوتىپ جاتقان الەم چەمپيوناتىنداعى ءساتتى ونەر كورسەتۋىمەن قۇتتىقتادى.
ايتا كەتەيىك، سوڭعى التى جىلدا قازاقستان بالۋاندارى العاش رەت ءالنم چەمپيوناتىنىڭ فينالىنا شىعىپ، ەكى كۇمىس مەدال ەنشىلەدى. قر ۇوك باسشىسى الەمنىڭ ۆيتسە-چەمپيوندارى دەمەۋ جادراەۆ پەن مەيرامبەك ايناعۇلوۆقا جانە گرەك-ريم كۇرەسىنەن قازاقستان ۇلتتىق قۇراما كومانداسىنىڭ باس جاتتىقتىرۋشىسى نۇرىم دۇيسەنوۆكە العىسىن ءبىلدىردى.
«قازاقستان رەسپۋبليكاسى ۇلتتىق وليمپيادالىق كوميتەتى اتىنان جانە ءوز اتىمنان سىزدەردى پاريجدە كۇرەس تۇرلەرىنەن ءوتىپ جاتقان الەم چەمپيوناتىندا ءوول جتەكىزگەن جەتىستىكتەرىڭىزبەن قۇتتىقتايمىن. سىزدەردىڭ جەتىستىكتەرىڭىز قازاقستاندىق جانكۇيەرلەرگە زور قۋانىش سىيلادى. ويتكەنى وتاندىق بالۋنادار ءبىراز ۋاقىت الەم چەمپيوناتىنىڭ فينالىنا شىعا الماي جۇرگەن ەدى. سىزدەر ەڭبەكقورلىق، قايسارلىق پەن شەبەرلىكتىڭ ارقاسىندا ۇلتتىق قۇرامانىڭ قورجىنىنا كۇمىس مەدالدار سالدىڭىزدار. الداعى ۋاقىتتا تاعى دا الەمدىڭ جارىستاردا توپ جاراسىزدار دەپ سەنەمىز! سىزدەرگە دەنساۋلىق، تابىس جانە جاڭا جەڭىستەر تىلەيمىن!»
تيمۋر ق ۇلىباەۆ بۇل سوڭعى جىلدارداعى گرەك-ريم، ەركىن جانە ايەلدەر كۇرەسى فەدەراتسياسىنىڭ ماقساتتى ءارى بەلسەندى جۇمىسىنىڭ، جاتتىقتىرۋشىلار قۇرامى ەڭبەگىنىڭ جەمىسى ەكەنىن اتاپ ءوتىپ، الداعى ۋاقىتتا وزگە دە سپورت تۇرلەرىنەن الەم چەمپيوناتتارىنا قاتىساتىن قازاقستان قۇراما كوماندالارىنا ساتتىلىك تىلەدى.
