SportPress.kz Qazaqstan sport jańalyqtary
Memlekettik saıasatty balalardyń múddeleri úshin iske asyrýǵa jáne olardyń quqyqtaryn qamtamasyz etýge qoǵamnyń nazaryn aýdarýda memlekettik qurylymdardyń, qoǵamdyq, úkimettik emes, halyqaralyq uıymdardyń, isker toptardyń, buqaralyq aqparat quraldarynyń kúshterin biriktirý maqsatynda 1 maýsym – Halyqaralyq balalar qorǵaý kúnine arnalǵan «Barlyǵy balalar úshin» respýblıkalyq akııasy aıasynda respýblıka boıynsha túrli is-sharalar uıymdastyrylady. «Barlyq jaqsylyq balalar úshin» urany merekelik is-sharalarda negizgi qaǵıda bolady. Bul týraly Bilim jáne ǵylym mınıstrligi Ulttyq ǵylymı-praktıkalyq dene tárbıesi ortalyǵynyń baspasóz qyzmeti habarlady.
Bilim jáne ǵylym mınıstrligi «Ulttyq ǵylymı-praktıkalyq dene tárbıesi ortalyǵy» jergilikti dene tárbıesi ortalyqtarymen birlesip mektep oqýshylary men stýdentter arasynda «Qazaqstan balalary sportty tańdaıdy» tańǵy jattyǵý jobasyn ótkizedi. Sharaǵa elimizdiń 6-18 jas aralyǵyndaǵy balalary qatysady. 1 maýsym kúni Ortalyq daıarlaǵan tańǵy jattyǵý úlgisi QazSport telearnasynda kórsetiledi.
«Balalar – bizdiń jarqyn bolashaǵymyz. Men de eki ulymmen jattyǵý jasap, densaýlyqty myqty etýdiń negizgi joly sportpen shuǵyldaný ekenin túsindiremin. Aǵa urpaq deni saý, bilimdi, tárbıeli jastar legin qalyptastyrý jolynda eńbek etýdemiz. Bul jobanyń maqsaty – salaýatty ómir saltyn nasıhattaý, jattyǵýlardyń oryndalý tehnıkasyn úıretý. Keshendi jattyǵýlardy oryndaý arqyly eptilikke, ıkemdilikke, ózin sergek ustaı bilýge tárbıeleý», dedi Ulttyq ǵylymı-praktıkalyq dene tárbıesi ortalyǵy bas dırektorynyń mindetin atqarýshy Saǵdat Sadyqov.
