ۇزدىكتەردىڭ ۇزدىگى

جىل سايىن 19 جەلتوقسان كۇنى «سپورت جۇلدىزدارى» رەسپۋبليكالىق جۋرنالى (باس رەداكتورى، ەلگە بەلگىلى جۋرناليست مۇساعالي تاسقاليۆ) مەن قازاقتىڭ سپورت جانە تۋريزم اكادەمياسى بىرىگىپ، ەلىمىزدەگى سپورت سالاسىندا ۇزدىك شىققان مەكتەپ،اۋدان، وبلىستاردى ماراپاتتاپ وتىراتىن جاقسى ءبىر ءداستۇردى قالىپتاستىرىپ كەلەدى.

بيىلعى جىلى دا ايتۋلى شارا الەمدى مازاسىزداندىرىپ تۇرعان ىندەتكە قاراماي، جالعاسىن تاپتى. جىلدىڭ ۇزدىك سپورت مەكتەبى بولىپ بيىل جىل بويى تىنىمسىز، تاباندى ەڭبەك ەتىپ، ەل العىسىنا بولەنىپ جاتقان ق.احمەتوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات كوللەدجى لايىقتى دەپ تانىلىپ، قۇرمەتپەن ماراپاتتالدى.

بىرىنشىدەن، راسىمەندە بۇل مەكتەپكە بارا قالساڭىز تابىلدىرىقتى اتتاپ باسقاننان باستاپ، تاربيەلى، يماندى جاسۇرپاقتى كەزدەستىرەسىز. قوس قولىن كەۋدەسىنە قويىپ، امانداسقان جاسوسىپىرىمدەرگە قاراپ، جانىڭ جىلىپ قويا بەرەدى. ەكىنشىدەن، ءبىلىم مەن سپورتتى قاتار الىپ جۇرگەن دارىندى جاستاردىڭ الماعان بەلەسى قالاماعانىنا كوزىڭىز جەتەدى. سپورتتىڭ ءار تۇرىنەن ەلىمىزدىڭ عانا ەمەس، الەم، ەۋروپا، ازيا جارىستارىندا جۇلدە الىپ، قازاقستاننىڭ اتىن شىعارىپ جۇرگەن تۋما تالانتتار بۇل وقۋ ورداسىندا جەتەرلىك. ۇشىنشىدەن، جاعداي جاسالعان جەردە تابىس تا كوپ كۇتتىرمەيتىنى بەلگىلى. ايتۋلى مەكتەپتىڭ اسحاناسى، جاتار جايى مەن سپورت الاڭدارى جاڭا زامان تالابىنا ساي بوي كوتەرىپ، ەرەكشە كورىنىس العان. وسىنداي بەرەكەسى ۇيىعان مەكتەپ-ينتەرنات كوللەدجدىڭ «جىلدىڭ ۇزدىك سپورت مەكتەبى» اتاعىن الۋىنا تولىقتاي لايىقتى ەدى. سوندىقتاندا قازاقتىڭ سپورت جانە تۋريزم اكادەمياسىنىڭ شاڭىراعىندا وتكەن دۋماندى شارا بارىسىندا ك.احمەتوۆ مەكتەبى «جىلدىڭ ۇزدىك سپورت مەكتەبى» دەگەن اتاققا يە بولدى. وسىنداي قۇرمەتتى ماراپاتتى، مەكتەپتىڭ بارلىق جاعىنان دامۋىنا وراسان ۇلەسىن قوسقان بىلىكتى باسشى، ىسكەر ازامات ق.احمەتوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات كوللەدجىدەنىڭ ديرەكتورى سەيىلحان باقتىعالي ۇلى قاراقوۆقا، ەۋروپا بىرىنشىلىگىنىڭ جەڭىمپازى، ايگىلى جەلاياق ءامين تۇياقوۆ اتامىز ءوز قولىمەن تابىس ەتتى. سونىمەن قاتار، «ەر نامىسى» قوعامدىق بىرلەستىگىنىڭ توراعاسى ەربولات اليادين اعامىز « ۇلى دالا باتىرى» دەگەن وردەندى سەيىلحان باقتىعالي ۇلىنىڭ توسىنە تاقتى. وسىلايشا، قوس قۋانىشقا كەنەلگەن ك.احمەتوۆ اتىنداعى مەكتەپ-ينتەرنات كوللەدجدىڭ ەڭبەگى ەلەنىپ وتىر. بۇل ارينە، دۇرىس باعىتتا كەلە جاتقان ۇجىمنىڭ قاجىرلى جۇمىسىنىڭ جەمىسى دەپ بىلەمىز.

ادامنىڭ جاقسىلىق جولىندا جاساعان ەڭبەگى ەشقاشان ەلەۋسىز قالمايتىنى انىق. اسىرەسە، بالا تاربيەسى اسقان ىجداقاتتىقپەن، ىستىق مەيىرىمدى تالاپ ەتەدى. ولاي بولسا، ق.احمەتوۆ مەكتەبىنىڭ شاڭىراعىندا ءدارىس الاتىن جاسبۋىننىڭ بولاشاعى زور دەپ بىلەمىز. ايتۋلى مەكتەپكە بەرىلگەن بۇل ماراپات الداعى ۋاقىتتا ودان دا بيىك بەلەستەردەن كورىنۋگە مۇمكىندىكتەر اشا تۇسەدى دەگەن ويدى بىلدىرەدى.

اقىن ورداباي ۇلى،

الماتى