مباپپە مەسسيدىڭ رەكوردىن جاڭارتتى

فۋتبولدان فرانتسيانىڭ ۇلتتىق قۇراما كومانداسى مەن «پاري سەن-جەرمەن» كلۋبىنىڭ شابۋىلشىسى كيليان مباپپە چەمپيوندار ليگاسى توپتىق كەزەڭىنىڭ سوڭعى ماتچىندا ءتۋريننىڭ «يۋۆەنتۋس» كومانداسىنا گول سالىپ، وسى جارىستا 40 گولدىڭ اۆتورى اتانعان ارگەنتينالىق ليونەل مەسسيدىڭ رەكوردىن جاڭارتتى. ول جاس ايىرماشىلىعى بويىنشا چەمپيوندار ليگاسىندا 40 دوپ سوققان ەڭ جاس فۋتبولشى اتاندى.

مباپپە پاريجدىكتەر ساپىندا 13-مينۋتتا گول سالدى. وسى ويىن كەزىندە كيليانعا 23 جاس، 10 اي، 13 كۇن بولعان. ارگەنتينالىقتىڭ جاسى 24 جاس، 4 اي، 8 كۇن بولعاندا وسىنشاما گول سالعان فۋتبولشى رەتىندە رەكورد جاساعان.

بۇل كەزدەسۋدە پاريجدىكتەر قارسىلاستارىن 2:1 ەسەبىمەن ۇتتى.

بۇعان دەيىن ليونەل مەسسي چەمپيوندار ليگاسى ءتۋرنيرىنىڭ ءۇشىنشى تۋرىندا پورتۋگاليانىڭ «بەنفيكا» كومانداسىنا گول سالىپ، ءوزىنىڭ رەكوردىن جاڭارتقان بولاتىن. پورتۋگاليانىڭ شابۋىلشى كريشتيانۋ رونالدۋ دا چەمپيوندار ليگاسىندا 38 رەت قاقپانى ءدال كوزدەپ وتىر.

داستان كەنجالين،

استانا