قازاقستان — وزبەكستان: كوماندانىڭ ءتىزىمىن جاريالاندى

وزبەكستان مەن ءباا قۇراما كوماندالارىمەن جولداستىق كەزدەسۋ وتكىزەتىن قازاقستان ۇلتتىق قۇراماسىنا شاقىرتىلعان فۋتبولشىلاردىڭ ءتىزىمى جاريالاندى. تىزىمگە فۋتبولدان ەكى جىلعا شەتتەتىلگەن باۋىرجان يسلامحان دا ەندى.

فۋتبولشى سوڭعى رەت ەل قۇراماسى ساپىندا 2020 جىلدىڭ قىركۇيەگىندە بەلارۋس كومانداسىنا قارسى وينادى.

وزبەكستان مەن قازاقستان قۇرامالارى اراسىنداعى جولداستىق ماتچ 16 قاراشادا تاشكەنتتە، ءباا قۇراماسىنا قارسى ماتچ 19 قاراشا كۇنى ءابۋ-دابي قالاسىندا وتەدى.

ۇلتتىق قۇراماعا شاقىرىلعان ويىنشىلاردىڭ ءتىزىمى مىناداي:

قاقپاشىلار: يگور شاتسكي («شاحتەر»)، دانيل ۋستيمەنكو («قايرات»)، الەكساندر زارۋتسكي («استانا»).

قورعاۋشىلار: سەرگەي مالىي، الەكساندر ماروچكين، باعدات قايىروۆ ء(بارى دە — «توبىل»)، ابزال بەيسەبەكوۆ، ميحايل گابىشەۆ، تيمۋر دوسماعامبەتوۆ ء(بارى دە — «استانا»)، تەمىرلان ەرلانوۆ، دميتري شومكو (ەكەۋى دە — «اقتوبە»)، سۇلتانبەك استانوۆ («قايرات»)، نۇرالى ءالىپ («زەنيت»، رەسەي).

جارتىلاي قورعاۋشىلار: رامازان ورازوۆ، ماكسيم سامورودوۆ (ەكەۋى دە — «اقتوبە»)، اسحات تاعىبەرگەن («توبىل»)، اسلان داراباەۆ، يسلامبەك قۋات (ەكەۋى دە — «استانا»)، باقتيەر زاينۋتدينوۆ (تسسكا، رەسەي)، ەلحان استانوۆ («ورداباسى»)، باۋىرجان يسلامحان (كلۋبى جوق).

شابۋىلشىلار: ابات ايىمبەتوۆ («استانا»)، ابىلايحان جۇمابەك («تاراز»)، ايبار جاقسىلىقوۆ («توبىل»)، ارتۋر شۋشەناچەۆ («قايرات»).

داستان كەنجالين،

استانا