سۋ دوبىنان قازاقستان قۇراماسى ازيانىڭ قولا جۇلدەگەرى اتاندى

تايلاندتتا سۋ دوبىنان ءوتىپ جاتقان ازيا چەمپيوناتىندا  قازاقستاننىڭ ايەلدەر قۇراماسى قولا جۇلدەگەرى اتاندى. 

قازاقستاننىڭ ارۋلار كومانداسى ءۇشىنشى ورىن ءۇشىن ويىندا تايلاند قۇراماسىمەن كەزدەسىپ، الاڭ يەلەرىن 15:4 ەسەبىمەن جەڭىسكە جەتتى.

بۇعان دەيىن بۇرىمدىلارىمىز جارتىلاي فينالدا جاپونيادان 12:16 ەسەبىمەن جەڭىلگەن بولاتىن.

بۇگىن ازيا چەمپيوناتىنىڭ قولا جۇلدەسىن قازاقستان ەرلەر قۇراماسى ساراپقا سالادى. ولاردىڭ قارسىلاسى — يران قۇراماسى.

ەندى اندرەي سازىكين جاتتىقتىراتىن كوماندا قولا مەدال ءۇشىن تالاسادى. ەكىنشى جارتىلاي فينالدا قىتاي قۇراماسى جارىس قوجايىنى تايلاندتى 27:2 ەسەبىمەن جەڭدى.

ازيا چەمپيوناتىندا جۇلدەنى يەلەنگەن قۇرامالار كەلەسى جىلى جاپونيانىڭ فۋكۋوكا قالاسىندا وتەتىن سۋ سپورتى تۇرلەرىنەن حح الەم چەمپيوناتىنا جولداما الادى.

داستان كەنجالين،

استانا