Sý dobynan Qazaqstan quramasy Azııanyń qola júldegeri atandy

Taılandtta sý dobynan ótip jatqan Azııa chempıonatynda  Qazaqstannyń áıelder quramasy qola júldegeri atandy. 

Qazaqstannyń arýlar komandasy úshinshi oryn úshin oıynda Taıland quramasymen kezdesip, alań ıelerin 15:4 esebimen jeńiske jetti.

Buǵan deıin burymdylarymyz jartylaı fınalda Japonııadan 12:16 esebimen jeńilgen bolatyn.

Búgin Azııa chempıonatynyń qola júldesin Qazaqstan erler quramasy sarapqa salady. Olardyń qarsylasy — Iran quramasy.

Endi Andreı Sazykın jattyqtyratyn komanda qola medal úshin talasady. Ekinshi jartylaı fınalda Qytaı quramasy jarys qojaıyny Taılandty 27:2 esebimen jeńdi.

Azııa chempıonatynda júldeni ıelengen quramalar kelesi jyly Japonııanyń Fýkýoka qalasynda ótetin sý sporty túrlerinen HH álem chempıonatyna joldama alady.

Dastan KENJALIN,

ASTANA