Oıyn biz oılaǵandaı bolǵan joq – Magomed Adıev

Fýtboldan Qazaqstan quramasynyń bas jattyqtyrýshysy Magomed Adıev О́zbekstan komandasymen match týraly pikir bildirdi. Ol elimizdiń bas komandasynyń utylýynyń sebebin aıtty. Bul kezdesý 2:0 esebimen alań ıeleriniń paıdasyna sheshilgen edi.

Qazaqstan ulttyq quramasynyń bas jattyqtyrýshysy baspasóz máslıhatyna qatysyp, BAQ ókilderiniń suraqtaryna jaýap berdi.

— Magomed Musauly oıynnan qandaı áser aldyńyz?

— Oıyn jaman bolmady. Biraq biz oılaǵandaı bolǵan joq. Matchta gol soǵýǵa brolatyn jaqsy múmkindikter boldy. Endi irikteý kezeńine deıin oıyndy ózgertýdi qarastyratyn bolamyz. Árıne, kemshilikter bolyp turady. Onsyz bolmaıdy. О́zimizdiń qatelikterden keıin gol jiberip aldyq. Maǵan endi bas jattyqtyrýshy retinde solarmen jumys isteý kerek. Eki jaqta da gol soǵatyn sátter boldy. Alaıda alań ıeleri jeńiske jetti. Men olardy quttyqtaımyn.

— Kópshiligi Bahtıer Zaınýtdınov pen Eldor Shomýrodovtyń tartysyn alǵashqy mınýttan bastap tamashalaǵysy keldi. Nelikten Bahtıer qosalqy quramda qaldy?

— Keshe jattyǵýda azdap bulshyq et jaraqaty boldy. Fýtbolshynyń densaýlyǵyn oıladym. Eshqashan táýekelge barmaımyn. Negizi quramǵa shyǵarý josparda bolǵan. Ol Reseı premer-lıgasynda jeksenbi kúni oınap, kelesi kúni ushyp keldi. Sol sebepti, onymen sóılesip, bir taım oınaıdy degen sheshimge keldim.

— Baýyrjan Islamhan uzaq úzilisten keıin alańǵa qaıta oraldy. Ol oınaǵan 20 mınýtqa qandaı baǵa beresiz?

— Islamhannyń jasyl alańda áleýeti bar. Ol áli naǵyz babynda emes. Alańnyń qaı jerinde oınaıtynyn túsingim keledi. Áli de jumys isteý kerek. Uzaq úziliske qaramastan dopty saqtap, ótimdi pastar bere alady.

— О́zbekstan quramasynan qaı fýtbolshy tańǵaldyrdy?

— Eldor joq jerden eki gol saldy. Kútpegen jerden gol salatyn jaqsy qasıeti bar. Sol sebepti, Italııada oınaıdy. Qıyn soqqyny qaıtarǵan qaqpashynyń eńbegin de atap ótkim keledi. Ortalyq alań men qaptalda oınaıtyn jaqsy fýtbolshylar bar eken.

Sondaı-aq О́zbekstan men Qazaqstannyń joldastyq matchy týraly ulttyq quramanyń qaqpashysy Igor Shakıı de pikir bildirdi. Ol da oıynnyń jospardaǵydaı bolmaǵanyn aıtyp,  О́zbekstannyń jekelegen oıynshylarynyń sheberlikteri kezdesýdiń «taǵdyryn» sheship ketkenin eskertti.

Oıyn biz josparlaǵandaı ótpedi. Jattyqtyrýshynyń aıtqany da bolmady. Birinshi taımdy ýysymyzdan shyǵaryp aldyq. Ekinshisinde jınaqy oınadyq. Degenmen qýyp jetý qıyn boldy. О́zbekstan – óte jaqsy qarsylas. Olarda Shomýradovtyń jeke sheberligi sheship ketti. Jankúıerler qoldaýy mańyzdy. Olar bizge qoldaýyn aıaǵyn joq. Sondyqtan keshirim suraǵym keledi.

Endi osymen turyp qalmaı, Eýroǵa daıyndalý qajet. Bapkerler shtaby bir qorytyndyǵa keler. Qalypqa kelip, jańa bir taktıkany qoldanyp kóremiz. Jattyqtyrýshylar shtaby bárin sheshedi, – dedi Shakıı.

Endi Qazaqstan quramasy kelesi kezdesýin 19 qarashada Ábý-Dabı qalasynda BAÁ-ge qarsy ótkizedi.

Dastan KENJALIN,

ASTANA