قازاقستاننىڭ بيىلعى ماۋسىمداعى ۇزدىك جاس ويىنشىسى انىقتالدى

فۋتبولدان 2022 جىلعى ماۋسىمنىڭ قورىتىندىسى بويىنشا قازاقستاننىڭ ەڭ ۇزدىك جاس ويىنشىسى انىقتالدى.

2021 جىلدان باستاپ قكفل-دىڭ مۇرىندىق بولۋىمەن جىلدىڭ ۇزدىك ويىنشىسىنا قازاقستان فۋتبولىنىڭ ارداگەرى اناتولي يونكيننىڭ جۇلدەسى تابىس ەتىلەدى.

قكفل ءباسپاسوز قىزمەتى حابارلاعانداي، داۋىس بەرۋ قورىتىندىسى بويىنشا ۇزدىك ويىنشى نوميناتسياسىن «اقتوبە» مەن قازاقستان قۇراماسىنىڭ جارتىلاي قورعاۋشىسى ماكسيم سامورودوۆ جەڭىپ الدى. 20 جاستاعى فۋتبولشى بيىلعى ماۋسىمدا چەمپيوناتتا 22 ماتچتا 3 گول سالىپ، 5 ناتيجەلى پاس بەرگەن.

ۇزدىكتەر قاتارىندا «قايرات» ويىنشىسى ادىلەت سادىبەكوۆ پەن «تاراز» شابۋىلشىسى ابىلايحان جۇمابەك بار.

داستان كەنجالين،

استانا