Tórt qurlyq týrnıri: Ekaterına Aıdova kúmis júldeger atandy

Kanadanyń Kvebek qalasynda konkımen júgirýden III ret uıymdastyrylǵan tórt qurlyq týrnıri aıaqtaldy. Sońǵy jarys kúni Ekaterına Aıdova 1000 metrge jarysta kúmis júldeger atandy. Ekaterınanyń kórsetkishi — 1:16:191 sekýnd. Osylaısha, ol osy tórt qurlyq týrırindegi ekinshi -medalin moınyna taqty.

Bul qashyqtyqta (1000 m) ońtústik koreıalyq Mın Son Kım (1:16:066) top jaryp, Kvebektegi ekinshi altyn medalin (osynyń aldynda 500 metrde jeńimpaz atandy, — red.) ıelendi. Úzdik úshtikti kanadalyq Beatrıs Lamarsh (1:17:393) túıindedi.

«Bul qysqa qashyqtyqtyń biri. Kım birinshi aınalymdy óte jyldam syrǵanap ótti. Bul osy qashyqtyqqa kerek qasıet. Alǵashqy aınalymdy jaqsy ótseńiz, keıingisi de solaı bolady. Men jarysty bastaǵanda osy jaǵynan qatelesip jatamyn. Bul joly ekinshi-aınalymda óz pozıııamdy tapqanda bul Kımdi basyp ozý úshin jetkiliksiz boldy. Keı sportshylar, rasymen myqty bolady. Al keıbireýleri tehnıkaǵa kóp ıek artady. Men úshin muzdyń jyldam bolǵany kerek. Kúshim kóp emes. Sondyqtan, tehnıkaǵa basymdyq beremin. Men sııaqty sportshylar úshin bul muz qatty boldy», — dedi Ekaterına Aıdova.

Dastan KENJALIN,

ASTANA