Qazaqstan vaterpolshylary — Azııa chempıonatynyń qola júldegeri!

Taılandtyń Bangkok qalasynda sý dobynan ótken Azııa chempıonatynda Qazaqstan qurama komandasy úshinshi oryn aldy.

Osy chempıonatqa Qajymuqan Muńaıtpasov atyndaǵy olımpıada rezerviniń respýblıkalyq mamandyrylǵan mektep-ınternat-kolledjdiń 10 «V» synyp oqýshysy Egor Beloýsov ta qatysyp, Qazaqstan qurama komandasyna qola júldeni syıǵa tartty.

Sport ordasynyń baspasóz qyzmetiniń jetekshisi Ardaq Toǵymovtyń aıtýynsha, osy eren eńbegi úshin Egor Beloýsovqa halyqaralyq dárejedegi sport sheberi ataǵy berildi.

«Búginde 10 «V» synyp oqýshysy, jastar arasyndaǵy Qazaqstan chempıonatynyń eki dúrkin kúmis júldegeri, eresekter arasyndaǵy el chempıonatynyń kúmis júldegeri.

Úzdik oıynshyny Qazaqstan ulttyq quramasynyń jattyutyrýshylary baıqady. Sodan keıin ol ulttyq quramanyń oqý-jattyǵý jıynyna shaqyrylyp, Azııa chempıonatyna qatysýǵa joldama aldy.

Egor ulttyq quramanyń kóshbasshylarynyń birine aınalyp, Iran komandasymen tartysty kezdesýde qola júldeni jeńip alýǵa atsalysty», — dedi Ardaq Toǵymov.

Ol Qazaqstannyń sý doby tarıhyndaǵy Azııa chempıonatynyń eń jas júldegeri bolyp tanyldy. Egor Alekseevıch Beloýsov 2007 jyly 26 mamyrda Atyraý oblysynda týǵan. Osydan eki jyl buryn Qajymuqan Muńaıtpasov atyndaǵy mektep-ınternat-kolledjine oqýǵa tústi.

Dastan KENJALIN,

ASTANA