«Nızkıı postýpok», «kolhoznyı varıant». Ilıa Ilın men federaııa ókili tilshiniń namysyna tıgen

«Habar 24» telearnasynyń tilshisi Aslan Qajenovti belgili aýyr atlet Ilıa Ilın men jeńil atletıka federaııasynyń ókili kemsite sóılegen.

Bul týraly halyq-uni.kz habarlady.

Túrim kolhozǵa uqsap tur ma? Nege únemi ózge ult ókilderinen osyndaı balaǵat estımiz? Bir emes, eki emes… Ana joly Ilıa Ilın «nızkıı postýpok jasadyń» dep edi, endi Pavel Kýkın «kolhoznoı varıantsyń» deıdi. Bunyń shegi bar ma ózi?! — dep kúıindi áriptesimiz.

Onyń aıtýynsha, ol jeńil atletıkadan Astanada ótken Ámın Tuıaqov atyndaǵy halyqaralyq jarysqa barǵan. Sol kezde federaııa ókili «Ámın Tuıaqovtan suhbat jazasyńdar ma?» dep suraǵan. Suhbatqa keliskennen keıin tilshige «Biraq kýrtkańdy sheship tastashy, kolhoznyı varıant» dep salǵan.

Aldymen aty-jóni men qyzmetin suradym. Aıtpady. Odan keıin «Nege olaı aıtasyz? Siz meni tanymaısyz da. Sondyqtan keshirim surańyz! Máseleni jabamyz. Sosyn suhbat alýǵa baramyz», — dep turyp aldym. ıtata. Ádeıi Siz degen sypaıylyqtan shyqpadym jáne qolymdy alyp júgirmedim. Al ol estimegen, elemegen boldy. Qysqasy, qateligin moıyndap, sózin qaıtyp alýǵa dáti barmady. Ishindegi birdeńesi jibermedi, — deıdi Aslan Qajenov.

Odan keıin jeńil atletıka federaııasynan bir qyz kelip, álgi adamnyń atqarýshy dırektor ekenin jetkizgen. Alaıda onyń keshirim suraýyn talap etken áriptesimizdi «Qaı kanaldan keldiń? Qazir bastyǵyńa zvandaımyn» dep qorqytpaq bolǵan.

Men osymen ekinshi ret tiri ólikke aınaldym. Birer aı buryn Ilıa Ilın qazaq tilinde suhbat suraǵanym úshin (onda da basqa adamnan) «nızkıı postýpok jasap jatsyń» dep edi. Endi bul joly taǵy bireý (atqarýshy dırektor) kýrtkama qarap, «kolhoznyı varıant» deıdi. Ekeýi de keshirim suramady. Ekeýi de óz mindetin atqaryp júrgen qazaq jýrnalısin balaǵattady. Tipti, sońynda, kerisinshe, ózimdi qorqytqysy keledi, — dep jazdy ol.

Osy jaıttarǵa ashynǵan jýrnalıst áleýmettik jelide zańgerler men quqyq qorǵaýshylardan aqyl-keńes surap otyr. Federaııa ókilderiniń telearna basshylyǵyna habarlasyp, jan-jaqty qysym bastalatynyn da jetkizdi. Tipti, jeke ómirine fızıkalyq qaýip tónýine alańdaýly.

Erkeǵalı BEISENOV,

ASTANA