SportPress.kz قازاقستان سپورت جاڭالىقتارى
قوستاناي قالاسىنىڭ فۋتبولدان «توبىل» كلۋبىندا وينايتىن وزبەكستاندىق لەگيونەر يگور سەرگەەۆتىڭ جالاقىسى بەلگىلى بولدى. ول اي سايىن كلۋبتان 300 مىڭ اقش دوللارىن الادى. بۇل تۋرالى وزبەكستاننىڭ بەلگىلى فۋتبول مامانى نوديرحۋجا يۋلداشەۆ ايتتى.
«مەنەن كوپ ادام نەگە سەرگەەۆ وزبەك سۋپەرليگاسىندا وينامايدى دەپ سۇرايدى. ونىڭ جاۋابىن ايتايىن با؟! ول قازاقستاندى بەكەر تاڭداعان جوق. ول سوندا عانا ويناعىسى كەلەدى. ءبىزدىڭ فۋتبولشى قازاقستاندا ايىنا 300 مىڭ دوللار كولەمىندە ايلىق الادى. ەگەر سۋپەرليگانىڭ كلۋبتارى سەرگەەۆكە لايىقتى ۇسىنىس ايتسا ول ارينە، قايتىپ كەلۋگە ويلانادى دەپ ويلايمىن»، – دەدى ول.
وسىعان قاتىستى قوعام بەلسەندىسى ايگۇل ءجۇمادىل دە الەۋمەتتىك جەلىدە مالىمەت بەردى.
ول ەلىمىزدە كۇنىنە 383 مىڭ تەڭگە الاتىن فۋتبولشى بار ەكەنىن، ونى قوستانايدىڭ «توبىل» كلۋبىندا وينايتىن وزبەكستاندىق يگور سەرگەەۆتىڭ الاتىنىن ايتتى.
«نەگىزى بۇنداي اقپاراتتار وتە قۇپيا ساقتالادى. بىراق، ءدال وسى جىگىتتىڭ جالاقىسى بايقاۋسىزدا جاريالانىپ كەتتى. ول 300 مىڭ اقش دوللارى كولەمىندە جالاقى الادى. ۇلتتىق ۆاليۋتاعا شاققاندا – 138 ملن تەڭگە. ياعني، اي سايىن 11،5 ملن، ال كۇن سايىن 383 مىڭ تەڭگە الادى دەگەن ءسوز. مەيلى ويناپ جاتسىن، ويناماي جاتسىن، دەمالىپ-ۇيىقتاپ، بىلگەنىن ىستەپ جاتسىن، وسىنداي جالاقى جۇرە بەرەدى.قوستانايدا بۇدان باسقا پروبلەما جوق پا؟! ماسەلەنىڭ ءبارى رەتتەلىپ، تەك فۋتبولعا اقشا شاشۋ عانا قالىپتى…»، – دەدى ول.
قوستاناي كلۋبىنىڭ اكىمشىلىگى ازىرگە بۇل اقپاراتقا جاۋاپ بەرگەن جوق.
داستان كەنجالين،
استانا
