«Tobyl» klýbynyń legıoneri 300 myń dollar aılyq alady

Qostanaı qalasynyń fýtboldan «Tobyl» klýbynda oınaıtyn ózbekstandyq legıoner Igor Sergeevtiń jalaqysy belgili boldy. Ol aı saıyn klýbtan 300 myń AQSh dollaryn alady. Bul týraly О́zbekstannyń belgili fýtbol mamany Nodırhýja Iýldashev aıtty.

«Menen kóp adam nege Sergeev ózbek Sýperlıgasynda oınamaıdy dep suraıdy. Onyń jaýabyn aıtaıyn ba?! Ol Qazaqstandy beker tańdaǵan joq. Ol sonda ǵana oınaǵysy keledi. Bizdiń fýtbolshy Qazaqstanda aıyna 300 myń dollar kóleminde aılyq alady. Eger Sýperlıganyń klýbtary Sergeevke laıyqty usynys aıtsa ol árıne, qaıtyp kelýge oılanady dep oılaımyn», –  dedi ol.

Osyǵan qatysty qoǵam belsendisi Aıgúl Jumadil de áleýmettik jelide málimet berdi.

Ol elimizde kúnine 383 myń teńge alatyn fýtbolshy bar ekenin, ony Qostanaıdyń «Tobyl» klýbynda oınaıtyn ózbekstandyq Igor Sergeevtiń alatynyn aıtty.

«Negizi bundaı aqparattar óte qupııa saqtalady. Biraq, dál osy jigittiń jalaqysy baıqaýsyzda jarııalanyp ketti. Ol 300 myń AQSh dollary kóleminde jalaqy alady. Ulttyq valıýtaǵa shaqqanda –  138 mln teńge. Iaǵnı, aı saıyn 11,5 mln, al kún saıyn 383 myń teńge alady degen sóz. Meıli oınap jatsyn, oınamaı jatsyn, demalyp-uıyqtap, bilgenin istep jatsyn, osyndaı jalaqy júre beredi.Qostanaıda budan basqa problema joq pa?! Máseleniń bári rettelip, tek fýtbolǵa aqsha shashý ǵana qalypty…», –  dedi ol.

Qostanaı klýbynyń ákimshiligi ázirge bul aqparatqa jaýap bergen joq.

Dastan KENJALIN,

ASTANA