Жібек Құламбаева Таиландтағы турнирдің жартылай финалына шықты

Теннисші Жібек Құламбаева Таиландтың Нонтхабури қаласында өтіп жатқан 2 ITF W40 турнирінің жартылай финалына шықты.

Ол жұптық сында Израиль елінің теннисшісі Лина Глушкомен бірге алдымен жапониялық Киока Окамура  мен таиландтық Пеангтарн Плипуекті 7:5, 6:3 есебімен ұтты.

Бүгін Құламбаева – Глушко дуэті ширек финалда таилықтар Чомпоотип Джандакет – Тамачан Момкунтодпен кездесті. Кездесуде олар алаң иелерін 7:6 (7:2), 6:1 есебімен ұтып, жартылай финалға жолдама алды. Олардың жартылай финалдағы қарсыластары кейін анықталады.

Дастан КЕНЖАЛИН,

АСТАНА