SportPress.kz قازاقستان سپورت جاڭالىقتارى
قازاقستاننىڭ بۇكىل ءوڭىرىن جاياۋ ارالاپ شىققان 72 جاستاعى سارسەنباي قوتىراشەۆ ەندى الەم ەلدەرىنە ساياحات جاساۋدى ويلاستىرىپ وتىر. بۇل تۋرالى ول ءوزىنىڭ الەۋمەتتىك جەلىدەگى پاراقشاسىندا ايتتى.
«وزدەرىڭىز بىلەتىندەي، وتكەن جىلى ءوز ومىرىمدە جاڭا قادام باستاپ، جاياۋ ءجۇرىپ ءوتتىم. جۇرگەن جەرىمدە مەنى تاڭ قالدىرعان، قۋانتقان جانە بۇرىن باستان كەشىرمەگەن ەرەكشە ەموتسيالارعا كوز جەتكىزدىم. ءبىرىنشى ەكسپەديتسيام ءساتتى اياقتالدى. بۇل ساپارىمدا جوسپارلاعان مەرزىمنەن بۇرىن كوزدەگەن مەجەگە جەتكەن ءساتتى جەتىستىك بولدى. 72 جىل ىشىندە العاش رەت تۋعان ەلىمىزدىڭ كوپتەگەن كورىكتى جەرلەرىن ارالاپپىن. ەندىگى كەزەكتە ونىڭ شەڭبەرىنەن شىعىپ، جەر شارىن اينالىپ شىعۋدى ءجون كوردىم. ويتكەنى، ءبىر جولدىڭ سوڭى — قاشاندا جاڭا جولدىڭ باسى»، — دەپ جازدى سارسەنباي قوتىراشەۆ ءوزىنىڭ ءىnstagram پاراقشاسىندا.
مارافونشى ءوز ساپارىن اتىراۋدان باستاپ، ورتا جانە سولتۇستىك جارتى شارداعى 14 ەلدى ارالاپ، وسكەمەندە اياقتاۋدى جوسپارلاپ وتىر.
سارسەنباي قوتىراشەۆ بىلتىر قازاقستاننىڭ بارلىق وڭىرلەرىن جاياۋ ارالاپ شىققان ەدى.
ول ءوز ساياحاتىن ۇلىتاۋدان باستاپ، اقتاۋدا اياقتادى. وسى ارالىقتا جيھانكەز 8 مىڭ شاقىرىمنان اسا قاشىقتىقتى ءجۇرىپ ءوتتى.
داستان كەنجالين،
استانا
