72 jastaǵy jıhangez jer sharyn jaıaý aralaǵysy keledi

Qazaqstannyń búkil óńirin jaıaý aralap shyqqan 72 jastaǵy Sársenbaı Qotyrashev endi álem elderine saıahat jasaýdy oılastyryp otyr. Bul týraly ol óziniń áleýmettik jelidegi paraqshasynda aıtty.

«О́zderińiz biletindeı, ótken jyly óz ómirimde jańa qadam bastap, jaıaý júrip óttim. Júrgen jerimde meni tań qaldyrǵan, qýantqan jáne buryn bastan keshirmegen erekshe emoııalarǵa kóz jetkizdim. Birinshi ekspedıııam sátti aıaqtaldy. Bul saparymda josparlaǵan merzimnen buryn kózdegen mejege jetken sátti jetistik boldy. 72 jyl ishinde alǵash ret týǵan elimizdiń kóptegen kórikti jerlerin aralappyn. Endigi kezekte onyń sheńberinen shyǵyp, jer sharyn aınalyp shyǵýdy jón kórdim. О́ıtkeni, bir joldyń sońy — qashanda jańa joldyń basy», — dep jazdy Sársenbaı Qotyrashev óziniń Instagram paraqshasynda.

Marafonshy óz saparyn Atyraýdan bastap, orta jáne soltústik jarty shardaǵy 14 eldi aralap, О́skemende aıaqtaýdy josparlap otyr.

Sársenbaı Qotyrashev byltyr Qazaqstannyń barlyq óńirlerin jaıaý aralap shyqqan edi.

Ol óz saıahatyn Ulytaýdan bastap, Aqtaýda aıaqtady. Osy aralyqta jıhankez 8 myń shaqyrymnan asa qashyqtyqty júrip ótti.

Dastan KENJALIN,

ASTANA