قازاقستان قۇراماسى دەۆيس كۋبوگىنىڭ ىرىكتەۋ ماتچىنا دايىندىقتى باستادى

تەننيستەن قازاقستاننىڭ ەرلەر قۇراماسى دەۆيس كۋبوگىنىڭ ىرىكتەۋ ماتچىنا دايىندىقتى باستادى.

قازاقستان تەننيس فەدەراتسياسىنىڭ حابارلاۋىنشا، وتانداستارىمىز 4-5 اقپان كۇندەرى ءچيليدىڭ لا سەرەنا قالاسىندا «لا ترەنتينو» ارەناسىنىڭ توپىراق توسەنىشىندەگى كورتتارىندا وسى ەلدىڭ قۇراماسىمەن كەزدەسەدى.

لا سەرەنا قالاسىنا يۋري ششۋكين باستاعان قازاقستان قۇراماسى تولىقتاي كەلدى. قازىر جارىسقا دايىندىقتى الەكساندر بۋبليك، تيموفەي سكاتوۆ، ميحايل كۋكۋشكين، اندرەي گولۋبەۆ پەن الەكساندر نەدوۆەسوۆ باستاپ كەتتى.

قازاقستان مەن چيلي العاش رەت كەزدەسەدى. چيلي – 1976 جىلى دەۆيس كۋبوگىنىڭ ءفيناليسى اتانعان كوماندا.

باستاپقى جەكەلەي سىندا ەكى ويىن بولادى. كەلەسى كۇنى كوماندالار جۇپتىق سىندا ءبىر رەت، جەكەلەي سىندا تاعى ەكى رەت كەزدەسەدى.

جەڭىمپاز كوماندا دەۆيس كۋبوگىنىڭ قىركۇيەكتە وتەتىن فينالدىق كەزەڭىنە جولداما الادى.

داستان كەنجالين،

استانا