SportPress.kz Qazaqstan sport jańalyqtary
Strandja kýbogy úshin halyqaralyq týrnırde shırek fınaldyq shaıqastar bolyp, elimizdiń eki boksshysy jartylaı fınalǵa shyqty.
Qazaqstan quramasynan shırek fınalǵa deıin úsh sportshy jetken bolsa, solardyń úsheýi de ózbek boksshylarymen qolǵap túıistirdi. Osy ishki tartysta qazaqstandyqtar 2:1 esebimen jeńiske jetti.
Rıngke birinshi bolyp 57 kelige deıingi salmaqtaǵy Orazbek Asylqulov shyqty. Ol Azııanyń sońǵy chempıonatyndaǵy altyn júldegeri Abdýmalık Halokovpen judyryq siltesti.
Halokov О́zbekstannyń tıtýly kóp belgili boksshylarynyń biri edi. Ol 2018 jyly jastar arasynda álem chempıony atanǵan. Sol jyly ótken jasóspirimder Olımpııalyq oıyndarynyń chempıony, al 2022 jyly Ammanda eresekter arasynda chempıon bolǵan. Onyń esebinde sondaı-aq 2021 jylǵy álem chempıonatynyń kúmis medali, Azııa chempıonatynyń sol jylǵy qola medalin ıelengen.
Al mundaı ataqtary joq Asylqulov bizdiń quramanyń ózinde ekinshi nomerli boksshy bolyp sanalady.
Soǵan qaramastan, kezdesý óte tartysty ótti. Eki sportshy da aıanyp qalǵan joq. Munda báribir Orazbektiń artyqshylyǵy baıqalyp turdy. Nátıjesinde ol tóreshilerdiń sheshimimen 4:1 esebimen sensaııalyq jeńiske jetti.
Odan keıin 75 kelige deıingi salmaqtaǵy Nurqanat Raıys pen Alohon Abdýllaevtyń jekpe-jegi boldy. Onda otandasymyz qarsylasyn 4:1 esebimen utty. Alaıda ol úshinshi raýndta eki ret nokdaýnǵa túsip qaldy. Qýanyshtysy, olar qorytyndy nátıjeni ózgerte almady.
Osy kúni Qazaqstan quramasynan 80 kelige deıingi salmaqtaǵy Bekzat Nurdáýletov jeńilip qaldy. Onyń Jasýrbek Iýldashevpen kezdesýi asa tartysty ótti. Degenmen, sál artyqshylyqpen (3:2) jeńis ózbek boksshysynyń qanjyǵasynda ketti.
Osymen Orazbek Asylqulov pen Nurqanat Raıys keminde qola medal alatyn boldy.
Dastan KENJALIN,
ASTANA
