اپالى-ءسىڭلىلى كاراتەشىلەردىڭ ءىسى ەلدى ءسۇيسىندىردى (ۆيدەو)

الەۋمەتتىك جەلىدە كاراتەدەن كوكشەتاۋدا 8-9 جاس ارالىعىنداعى قىزدار اراسىندا وتكەن اقمولا وبلىسى چەمپيوناتىنىڭ فينالىندا اپالى-ءسىڭلىلى قىزداردىڭ كەزدەسكەن ۆيدەوسى كەڭ تارالىپ، ەلدى ءسۇيسىندىردى.

جارىسقا اپالى-ءسىڭلىلى سايانا مەن ءمولدىر انۋاربەكتەر ءبىر سالماقتا (25 كگ دەيىنگى سالماق) قاتىسقان بولاتىن. ەكەۋىنىڭ چەمپيوناتتىڭ فينالىندا كەزدەسكەنىنە تورەشىلەر مەن جاتتىقتىرۋشىلاردىڭ كانىسى بولعان جوق. جارىستىڭ فينالىندا سايانا ءمولدىر سىڭلىسىنە جەڭىستى بەرەتىنىن ايتىپ، باۋىرىنىڭ قولىن كوتەرىپ، تورەشىلەردەن جەڭىستى بەرۋدى سۇراعان. ءمولدىر دە تاتەسىن قۇشاقتاپ، تورەشىلەردەن اپاسىنىڭ قولىن كوتەرۋدى وتىنگەن. الايدا سوڭعى ءسوزدى سايانا ايتىپ، باۋىرىن قۇشاعىنا باسىپ، جەڭىستى سىڭلىسىنە بەرۋدى تىلەگەن. ءسويتىپ، ءمولدىر اۋەلبەك وبلىس چەمپيونى اتانعان. ەكىنشى ورىن سايانا اۋەلبەككە بەرىلگەن.

داستان كەنجالين،

استانا

 

View this post on Instagram

 

A post shared by Sayana_kids_shop (@sayana_kids_shop)