«Aqjaıyq» jáne «Maqtaaral» klýbtarynyń qaqpashysy qaterli dertke shaldyqty

«Aqjaıyq» jáne «Maqtaaral» klýbtarynyń namysyn qorǵaǵan ýkraınalyq Sergeı Lıtovchenkonyń qaterli isikke shaldyqqany anyqtaldy. Bul týraly habar Instagram-daǵy paraqshaǵa jarııalandy.

Nıkıta Chernyh esimdi jeli qoldanýshysy 35 jastaǵy qaqpashyǵa Hodjkın lımfomasy dıagnozy qoıylǵanyn málimdedi. Qazir sportshynyń aýyr hımıoterapııany alýyna qarajat jınalyp jatyr. Qarajat kólemi úlken bolǵandyqtan, fýtbolshylar qaýymynan kómek suraýǵa týra kelgen.

Fýtbolshynyń ózi de áleýmettik jeli arqyly aýrýynyń asqynyp bara jatqanyn habarlady. Ol syrqatyna baılanysty bıylǵy 1 qańtardan beri eshbir klýbta oınamaǵan.

Eske sala ketsek, Sergeı Lıtovchenko 2021 jylǵy maýsymdy «Aqjaıyqta», 2022 jylǵy maýsymdy «Maqtaaralda» ótkizgen.

Erkeǵalı BEISENOV,

ASTANA

 

View this post on Instagram

 

A post shared by Nıkıta Chernyh 🇺🇦 (@nikitakeeper23)