Jámıla Baqbergenova – úsh dúrkin Azııa chempıony! (VIDEO)

Astana qalasynda áıelder kúresinen ótip jatqan Azııa chempıonatynyń ekinshi kúni 72 kg salmaqta bozkilemge shyqqan Jámıla Baqbergenova altyn júldeni jeńip aldy. Ol osymen úshinshi ret ár jyldary (2020, 2022) ótken Azııa chempıonatynyń qurmet tuǵyrynyń eń bıik satysyna kóterildi. Iaǵnı, qurlyqtyń  úsh dúrkin chempıony atandy. Sonymen birge ol álem chempıonatynyń eki dúrkin kúmis júldegeri.

Jámıla Baqbergenovanyń fınaldaǵy qarsylasy Japonııanyń balýan qyzy Sýmıre Nııkýrany 5:1 esebimen utty.

Osylaısha, Jámıla Baqbergenova áıelder quramasyna ekinshi altyn medaldy syılady.

Keshe Elmıra Syzdyqova jeńis tuǵyryna kóterilgen edi.  Sonymen birge bıylǵy Azııa chempıonatynda Marına Sedneva (55 kelige deıin), Nılıfýr Raımova (57 kelige deıin) men Elena Shalygına (68 kelige deıin) qola júldeni ıelendi. Jalpy, Qazaqstannyń balýan qyzdary 5 júldege ıe boldy.

Balýan qyzdardyń bes medali qurama komandany jalpykomandalyq esepte úshinshi oryn alýǵa múmkindik berdi. Birinshi jáne ekinshi oryndarda Japonııa men Qytaı ókilderi tur.

13 sáýirde bozkilemge erkin kúrestiń balýandary shyǵady.

Buǵan deıin habarlaǵanymyzdaı, ulttyq quramanyń múshesi Gúlmaral Erkebaeva Azııa chempıonatynda qyzdarymyz kem degende eki altyn medaldy jeńip alatynyn aıtqan edi.

Azııa chempıonatynda bizdiń qyzdarymyz altyn, kúmis, qola júldeni de alǵan. Sondyqtan árqaısynyń múmkindikteri bar. Boljamym boıynsha, keminde 2 altyn medal alamyz dep oılaımyn. Kimder ekenin aıtpaı-aq qoıaıyn, – degen edi balýan qyz.

Elmıra Syzdyqova men Jámıla Baqbergenovanyń jeńisterine qarap, onyń boljamynyń dál kelgenin aıtýǵa bolady.

Dastan KENJALIN,

ASTANA

 

View this post on Instagram

 

A post shared by Sportty damytý dırekııasy (@drs_kz)