SportPress.kz Qazaqstan sport jańalyqtary
Mádenıet jáne sport mınıstrligi «Sportshylar men jattyqtyrýshylarǵa ómir boıy aı saıynǵy materıaldyq qamsyzdandyrýdy tóleý qaǵıdalaryn bekitý, olardyń mólsherin belgileý týraly» buıryǵynyń jobasyn ázirledi. Qujat «Ashyq» NQA portalynda jarııalandy.
Buıryq-jobasynda jazylǵandaı, ómir boıy aı saıynǵy materıaldyq qamsyzdandyrý dene shynyqtyrý jáne sport salasynda keminde 20 jyl eńbek ótili bar myna sportshylar men jattyqtyrýshylarǵa taǵaıyndalady:
— Olımpıada, Paralımpıada jáne Sýrdlımpıada oıyndarynyń chempıondary men júldegerleri nemese sporttyń olımpıadalyq túrleri boıynsha álem chempıondary ataqtaryn jeńip alǵan sportshylarǵa;
— Osy sportshylardy daıyndaǵan jattyqtyrýshylarǵa.
Bir sportshyny daıyndaǵany úshin materıaldyq qamsyzdandyrý bir jattyqtyrýshyǵa tólenedi. Sportshy belgilengen talaptardy qaıtalap oryndaǵan jaǵdaıda materıaldyq qamsyzdandyrý basqa jattyqtyrýshyǵa da tólenedi. Materıaldyq qamsyzdandyrý dene shynyqtyrý jáne sport salasyndaǵy ýákiletti organnyń bıýdjettik baǵdarlamalary arqyly respýblıkalyq bıýdjet qarajaty esebinen tólenedi, — delingen qujatta.
Atalǵan ereje talabyna saı keletin sportshylar men jattyqtyrýshylar ómir boıyna alatyn tólem kelesideı:
— Olımpıada, Paralımpıada jáne Sýrdlımpıada oıyndarynyń chempıondary men júldegerleri nemese olımpıadalyq sport túrleri boıynsha álem chempıondary ataqtaryn jeńip alǵan sportshylarǵa – 100 aılyq eseptik kórsetkish (345 000 teńge);
— Olımpıada, Paralımpıada jáne Sýrdlımpıada oıyndarynyń chempıondary men júldegerleri nemese olımpıadalyq sport túrleri boıynsha álem chempıondary ataqtaryn jeńip alǵan sportshylardy daıyndaǵan jattyqtyrýshylarǵa – 100 aılyq eseptik kórsetkish (345 000 teńge).
Buıryq-jobasy 26 sáýirge deıin kópshilik talqylaýda bolady.
