Mańǵystaýlyq sportshylar para ústel tennısinen 1 altyn, 1 kúmis jáne 2 qola medal aldy

7-12 sáýir aralyǵynda Pavlodar qalasyndaǵy «Jeńimpaz» sport kesheninde para ústel tennısinen tirek-qımyl apparaty zaqymdaǵan jastar arasynda Qazaqstan chempıonaty ótti.

Oǵan Astana, Almaty qalasy men Atyraý, Jetisý, Mańǵystaý, Aqtóbe, Qostanaı, Pavlodar, Qaraǵandy, Túrkistan, Qyzylorda oblysynan on bir komanda qatysyp, 100-den astam sportshy baq synap, úzdikter anyqtaldy.

El chempıonatyna mańǵystaýlyq úsh sportshy qatysyp, júlde aldy.

Jekeleı júıede:

1 oryn — Dınara Tynymbaı;

3 oryn — Maıra Salıeva.

Juptyq júıede:

3 oryn — Sábıt Orazbaev (Mańǵystaý obl.) pen Anton Kamarov (Pavlodar obl.);

Aralas juptyq júıede:

2 oryn — Dınara Tynymbaı (Mańǵystaý obl.) men Anton Kamarov (Pavlodar obl.).

Jarysqa daıyndaǵan Mańǵystaý oblysynyń para ústel tennısinen aǵa jattyqtyrýshysy Naýryzbek Baqtyǵul bylaı dedi:

— Pavlodar qalasynda ótken tirek-qımyl apparaty zaqymdaǵan jastar arasynda Qazaqstan chempıonaty jaqsy deńgeıde ótkizildi. Jarysta ústel tennısi stoldarmen jabdyqtalǵan arnaıy sport kesheninde boldy. Jarysta eshqandaı kemshilik bolǵan joq. Invalıdter arasynda jarys klasqa bólinedi.

Birinshi klastan besinshi klasqa deıin arbada otyryp oınaıtyn sportshylar boldy jáne altynshy klastan onynshy klasqa deıin turyp oınaıtyn bolyp bólinedi. Bizde atalǵan klastar boıynsha besinshi klasta óner kórsetken Dınara Tynymbaı chempıon atandy. Úshinshi klasta óner kórsetken Maıra Salıeva qola medal aldy.

Onynshy klasta oınaǵan Sábıt Orazbaev aqtóbelik Maǵjan Mýsaevpen juptyq synda birge jup bolyp oınap úshinshi oryn aldy. Taǵy da Dınara Tynymbaı jarys ıesi Anton Kamarov ekeýi birigip aralas jup bolyp ekinshi oryn aldy. Jalpy shákirtterimnen úmit kóp. Demeýshiler demep oblys ákimdigimen sport basqarmasy basshylarynan qoldaýlar bolsa deımin. Jalpy, Munaıly aýdanyna jattyǵý zaldaryn ashyp, barlyq qural jabdyqtaryn alyp berse eken. Aýdanda úıinde otyrǵan múmkindigi shekteýli jandar óte kóp. Munaılydan zal ashyp berse deımin. Buıyrsa, ashylyp jatsa Munaılynyń sportshylary Qazaqstan men álemdik arenalarda Qazaqtyń kók týyn jelbiretetine sportshylar shyǵarýǵa múmkindikter jasap berse, chempıondar shyǵatynyna kámil senemin.

Aıbek MUHANOV,

Qazaqstan Jýrnalıster Odaǵynyń múshesi.

Mańǵystaý oblysy, Aqtaý qalasy.