Almaty oblysynda ushqyr báıgeden QAZAQ WORLD CUP týrnıri bastalady

1 mamyr – Qazaqstan halyqtarynyń birligi kúni merekesine oraı, Almaty oblysynyń Talǵar aýdanyndaǵy Qoblandy batyr atyndaǵy ıppodromda Mádenıet jáne sport mınıstrligi men Aqparat jáne qoǵamdyq damý mınıstrliginiń qoldaýymen ushqyr báıgeden Qazaq World Cup týrnıri ótedi.

Júlde qory – 17 700 000 teńge bolatyn jarysty Ulttyq sport qaýymdastyǵy, Almaty oblysynyń ákimdigi, respýblıkalyq «Báıge» Federaııasy, «Qazaq Jokeı Klýby» qoǵamdyq uıymy men «Bayserke Agro» holdıngi uıymdastyryp otyr.

Týrnırdiń ashylýyna Almaty oblysynyń ákimi Marat Sultanǵazıev, Ulttyq sport qaýymdastyǵynyń prezıdenti Islambek Saljanov, «Qazaq Jokeı Klýby» qoǵamdyq uıymynyń tóraǵasy Maqsat Ahaev arnaıy qatysady.

Qazaq «Jylqy – maldyń patshasy» dep atqa burynnan erekshe qurmetpen qaraıdy. Kóshpendi ómir saltyndaǵy babalarymyz úshin jylqy uzaq joldaǵy serigi de, jaýǵa shapqandaǵy mańyzdy qarýy da bolǵan. Tek kólik túri retinde qoldanyp qana qoımaı, jylqyny erekshe qasıetke ıe dep sengen. Tipti qazaqty «jylqyminezdi» dep ataý da bir maqtaýdyń túri edi. Sondyqtan biz úshin óz oblysymyzda at sportynan saıys ótkizý – úlken mártebe.

Osylaı el namysyn asqaqtatyn mundaı aýqymdy jarys – Almaty oblysy úshin abyroıly joba. Biz halqymyzǵa jaqyn, qanymyzda bar at sportynyń damýyna jáne nasıhattalýyna óz úlesimizdi qosýǵa qashan da daıynbyz, — dedi Marat Eleýsizuly.

Sondaı-aq Ulttyq sport qaýymdastyǵynyń prezıdenti Islambek Saljanov jarystyń mańyzdylyǵyna toqtaldy.

Jalpy, at báıgesiniń qazaq dalasynda erteden jalǵasyp kele jatqan ulttyq sport túrleriniń biri ekeni barshamyzǵa belgili. Búginde báıge sporty qanatyn keńge jaıyp, buqaralyq sıpatqa ıe bolyp otyr. Ulttyq sportymyzdyń damýy, álemge nasıhattalýy – memleket basshysy Qasym-Jomart Toqaevtyń jiti nazarynda. Atbegilik – atadan qalǵan kásip ári óner. Qazir jastarymyzdyń arasynda taı jaratyp, jylqy baptaýǵa den qoıǵandar qatary kóbeıip jatqanyna óz basym óte qýanyshtymyn!

Báıgesúıer qaýymǵa qýanyshty jańalyǵymdy jetkizýge ruqsat etińizder. Biz endi osynaý ushqyr báıgeniń jarystaryn ár 2 apta saıyn ótkizetin bolamyz. Osyndaı dodalar arqyly biz álemdik arenalarǵa shyǵatynymyzǵa senimdimin! – dedi Islambek Saljanov.

Sonymen bul jarystyń jeńimpazdarynan bólek, kórermender arasynda jalpy júlde qory 2 mıllıon teńgege jýyq bolatyn «Eń úzdik ulttyq kıim», arqan tartý, qyz qýý, asyq atý, qoshqar kóterý syndy oıyndardan saıystar ótip, sońy elimizge tanymal ánshilerdiń qatysýymen konerttik baǵdarlamaǵa ulasady.

Erkeǵalı BEISENOV,

ASTANA