قازاقستان سپورتشى ساۋل الۆارەستىڭ بوكس كەشىندە مەكسيكالىق قارسىلاسىن نوكاۋتپەن جەڭدى

بوكسشى ءابىلحان امانقۇل (3-0، 3 كو) ساپوپاندا (مەكسيكا) ساۋل «كانەلو» الۆارەستىڭ بوكس كەشىندەگى اندەركاردتا ونەر كورسەتتى، دەپ حابارلادى Halyq-uni.kz.

امانقۇل مەكسيكالىق فابيان ريوس فراۋستوعا (7-6-3، 4 كو). قارسى شىقتى. جەكپە-جەك سۋپەر جارتىلاي سالماقتا ءوتتى جانە ول 8 راۋندقا ەسەپتەلگەن ەدى. الايدا قازاقستاندىق بوكسشى قارسىلاسىن ەكىنشى راۋندتا تەحنيكالىق نوكاۋتقا جىبەرىپ، جەڭىسكە جەتتى.

وسىلايشا، ءابىلحان امانقۇل كاسىبي رينگتەگى 4-جەڭىسىنە قول جەتكىزدى. ال فابيان ريوس فراۋستو كاسىبي مانسابىندا 7-رەت جەڭىلدى.

امانقۇل اۋەسقوي بوكستا الەم چەمپيوناتىنىڭ (2017) كۇمىس جۇلدەگەرى، ازيا ويىندارىنىڭ قولا جۇلدەگەرى (2018)، سونداي-اق ازيا چەمپيوناتىنىڭ (2017) قولا جۇلدەگەرى بولعان. ول ساۋل الۆارەستىڭ زالىندا ەددي رەينوسونىڭ جەتەكشىلىگىمەن جاتتىعادى.