Qazaqstan sportshy Saýl Alvarestiń boks keshinde meksıkalyq qarsylasyn nokaýtpen jeńdi

Boksshy Ábilhan Amanqul (3-0, 3 KO) Sapopanda (Meksıka) Saýl «Kanelo» Alvarestiń boks keshindegi anderkardta óner kórsetti, dep habarlady Halyq-uni.kz.

Amanqul meksıkalyq Fabıan Rıos Fraýstoǵa (7-6-3, 4 KO). qarsy shyqty. Jekpe-jek sýper jartylaı salmaqta ótti jáne ol 8 raýndqa eseptelgen edi. Alaıda qazaqstandyq boksshy qarsylasyn ekinshi raýndta tehnıkalyq nokaýtqa jiberip, jeńiske jetti.

Osylaısha, Ábilhan Amanqul kásibı rıngtegi 4-jeńisine qol jetkizdi. Al Fabıan Rıos Fraýsto kásibı mansabynda 7-ret jeńildi.

Amanqul áýesqoı boksta álem chempıonatynyń (2017) kúmis júldegeri, Azııa oıyndarynyń qola júldegeri (2018), sondaı-aq Azııa chempıonatynyń (2017) qola júldegeri bolǵan. Ol Saýl Alvarestiń zalynda Eddı Reınosonyń jetekshiligimen jattyǵady.