Zýev – ortańqol oıynshy. Qazaqstanǵa ketse, bara bersin. Odan eshteńemiz ketpeıdi – Mostovoı

Reseı jasóspirimder quramasynyń burynǵy oıynshysy, «Krylıa Sovetov» klýbynyń jartylaı qorǵaýshysy Aleksandr Zýev Qazaqstan azamattyǵyn aldy.

Jaqynda ol ulttyq qurama komandaǵa shaqyryldy. Ol jaraqatynna áli aıyqpaǵan Aslanbek Darabaevty almastyrady. Elimizdiń bas komandasynyń bas jattyqtyrýshysy Magomed Adıevtiń aıtýynsha, qazir bir ǵana Zýev emes, Reseıdiń kóptegen fýtbolshylary Qazaqstannyń azamattyǵyn alyp, ulttyq quramada oınaǵysy kelip júr.

Biz ár nárseni ulttyq quramanyń oıynshylarymen aqyldasyp sheshemiz. Biraq sońǵy sózdi men aıtamyn. Bas jattyqtyrýshy bolǵan soń, sheshimdi ózim qabyldaımyn. Bizdiń kıim aýystyratyn bólmemizde oıynshylarmen jaqsy túsinistik qalyptasqan. Sondyqtan jaqsy atmosferanyń, jaqsy aýranyń shyrqyn buzǵym kelmeıdi. Al ázirshe Zýev qana Qazaqstan azamattyǵyn aldy, –  dedi Adıev.

Al Aleksandr Zýevke kelsek, ol 1996 jyly Qostanaıda týǵan. Bala kezinde «Tobyl» klýbynyń balalar mektebinde jattyqqan. Keıin Reseıge kóship ketken. 2013 jyly 17 jasqa deıingi fýtbolshylar arasynda ótken Eýropa chempıonatyn jeńip alǵan. 2016 – 2017 jyldardaǵy fýtbol maýsymynda Máskeýdiń «Spartak» jasaǵynyń quramynda Reseı chempıony atanǵan. Sodan keıin «Rýbın» (Qazan), «Rostov» (Rostov na Doný), Máskeýdiń túbindegi Hımkı qalasynyń «Hımkı» klýby men «Krylıa Sovetov» (Samara) komandalarynda oınaǵan.

Mine, men Qazaqstan azamattyǵyn aldym. Ony alý ońaı bolǵan joq. Kók pasporttyń sońynan uzaq júrdim. Men týǵan elimniń azamaty bolǵanyma qýanyshtymyn. Qazaqstan meniń Otanym ǵana emes, bul jerde meniń bal dáýren balalyq shaǵym ótti. Bala kezimde fýtboldy Qostanaıdyń «Tobyl» klýbynan bastadym. Bul alańsyz balalyq shaq edi, shirkin! Balalyq shaǵym  baqytty kezim deýge bolady.

Qazaqstanda meniń týystarym men tanystarym kóp. Reseıde turǵanda Qazaqstanǵa kóp kelip júretinmin. Sol kezde otbasymmen qazaqtyń meıramdaryn toılaıtynbyz. Sondyqtan meniń Qazaqstanmen baılanysym eshqashan úzilgen emes. Endi men eki ese baqyttymyn. О́ıtkeni, ulttyq quramaǵa shaqyrtý aldym. Bul meniń maqsatym edi, — dedi ol.

Onyń aıtýynsha, endi ulttyq quramanyń jattyqtyrýshylar shtabymen jeke sóılesip, oıynshylarmen tanysyp alý kerek. Sodan keıin ǵana oıynǵa kirisemin, deıdi ol.

Reseıdiń fýtbol mamandary Zýevtiń elimizdiń azamattyǵyn alǵany jóninde pikir bildirýge de úlgeripti. Mysaly, Reseı ulttyq quramasy men Máskeýdiń «Spartak» klýbynyń burynǵy oıynshysy Aleksandr Mostovoı: «Zýev Qazaqstanǵa ketse, bara bersin. Odan eshteńemiz ketpeıdi. Zýev — ortańqol fýtbolshy. Ony «Spartaktyń» jankúıerleri ǵana biledi. Basqa eshkim bilmeıdi», degen eken.

Sondaı-aq, ol qazir Reseı fýtboly ızolıaııada bolǵan soń, fýtbolshylardyń basqa elderdiń azamattyǵyn alyp jatqany qalypty nárse ekenin aıtty.

Bul qalypty nárse. Búkil álemde sportshylar azamattyǵyn aýystyryp, halyqaralyq arenaǵa shyqqysy keledi. Mysaly, Franııanyń ulttyq quramasyna qosyla almaǵan oıynshylar Aljır nemese Marokkonyń komandasyna baryp júr. Sondyqtan Zýevti túsinýge bolady, — dedi ol.

Ol Reseı sportshylarynyń Qazaqstanǵa ketip jatqanynan tragedııa jasamaýdy ótinipti.

Dastan KENJALIN,

ASTANA

Dastan KENJALIN,

ASTANA