Messı Argentına quramasyna qatysty málimdeme jasady

Argentına ulttyq quramasynyń shabýylshysy Lıonel Messı 2022 jylǵy álem chempıonatyn jeńip almaǵanda komandadan ketetin edim dep aıtty.

Lıonel Messıge byltyrǵy álem chempıonaty unaǵan eken. Sol sebepten ol teńbil dop dodasynda álem chempıony ataǵyn utyp almaǵanda quramadan ketetinin jasyrmaı júrgen.

Maǵan Katardaǵy álem chempıonaty óte unady. Eger men álem chempıony bolmasam, bul meniń sońǵy chempıonatym bolar edi. Men klýbtyq deńgeıde barlyq júldeni uttym. Álem chempıony atanbaǵanda maǵan birdeńe jetispeı turatyn edi, — dedi ol.

Endi onyń aıtýynsha, ol álem chempıony bola tura, quramadan kete almaıdy.

Men osynyń bárinen lázzát alýym kerek. Altyn júlde janyma tynyshtyq syılaıdy, — dedi Messı.

Jaqynda Messı Qytaıdyń Beıjiń qalasynda Argentına quramasynyń Avstralııa komandasy joldastyq kezdesýde matchtyń 1 mınýty 19 sekýndynda mansabyndaǵy eń jyldam gol salǵan bolatyn.

Bul gol shabýylshynyń ulttyq quramanyń sapyndaǵy 103-goly boldy.

Match bastalysymen Messı aıyp alańynyń janynda pas alyp, bir qorǵaýshyny aldap, qaqpany dál kózdedi. Al oıynnyń ózi 2:0 esebimen aıaqtaldy.

Dastan KENJALIN,

ASTANA