كريشتيانۋ رونالدۋ گيننەستىڭ رەكوردتار كىتابىنا ەندى

پورتۋگاليا قۇراماسىنىڭ شابۋىلشىسى كريشتيانۋ رونالدۋ 2024 جىلى وتەتىن ەۋروپا چەمپيوناتىنىڭ ىرىكتەۋ تۋرنيرىندە يسلانديا كومانداسىمەن ويىندا ۇلتتىق قۇراما ساپىنداعى 200-ماتچىن وتكىزدى. وسىلايشا، ول  گيننەستىڭ رەكوردتار كىتابىنا ەندى. ول كۋۆەيت فۋتبولشىسى بادەر ءال-مۋتاۆادان (196) ءتورت ماتچ كوپ ويناعان. 

رونالدۋعا كەزدەسۋ باستالار الدىندا  200-ماتچ وتكىزگەن الەمدەگى العاشقى فۋتبولشى دەگەن سەرتيفيكات تابىس ەتىلدى.  وسى ويىندا ول جالعىز گولدى سالىپ تا كوزگە ءتۇستى.

رونالدۋ پورتۋگاليا قۇراماسى ساپىندا 2003 جىلدان بەرى وينايدى.  سودان بەرى ۇلتتىق كوماندا جەيدەسىندە 122 گول سالىپ، 43 اسسيست جاسادى.

داستان كەنجالين،

استانا