مەسسي مەن بۋسكەتس «ينتەر ماياميگە» تانىستىرىلدى (ۆيدەو)

اقش-تىڭ مايامي شتاتىندا ارگەنتينالىق شابۋىلشى ليونەل مەسسيدى «ينتەر مايامي» فۋتبول كلۋبىنىڭ جاڭا ويىنشىسى رەتىندە تانىستىرۋ راسىمىندە داۋىل سوعىپ، كەشىگىپ باستالدى.

Sports.es-ءتىڭ مالىمەتىنە قاراعاندا، ءىس-شارا قاتتى داۋىلدىڭ كەسىرىنەن ەكى ساعاتقا كەشىكتى. فۋتبولشىنى تانىستىرۋعا بيلەتتەر تولىقتاي ساتىلعانىمەن، تريبۋنانىڭ ءبىراز جەرى بوس بولدى. ويتكەنى، داۋىلدىڭ كەسىرىنەن كوپتەگەن جانكۇيەر ورىندارىن تاستاپ كەتىپ قالعان بولاتىن.

دەگەنمەن داۋىل باسىلعان سوڭ، مەسسيدى جانكۇيەرلەرگە تانىستىرۋ ءراسىمى قالىپتاسقان ءداستۇر بويىنشا ءوتتى. كلۋبتىڭ تەڭ قوجايىنى انگليانىڭ اتاقتى ەكس-فۋتبولشىسى دەۆيد بەكحەم حالىق الدىندا الەمدەگى ۇزدىك ويىنشىسى كوماندا قاتارىنا العانىنا قۋانىشتى ەكەنىن، «ينتەر ماياميگە» جەر-جۇزىندەگى مىقتى فۋتبولشىلاردى الۋدى بۇرىننان بەرى ارمانداپ كەلگەنىن اتاپ ءوتتى.

مەن 10 جىل بۇرىن ماياميدە جاڭا كوماندا قۇرۋدى ەندى باستاعان كەزىمدە، وسى تاڭعاجايىپ قالاعا الەمدەگى ەڭ ۇلى ويىنشىلاردى اكەلۋدى ارمانداعان ەدىم. ولار اقش-تاعى فۋتبولدى دامىتۋعا كومەكتەسەدى دەپ سانايتىنمىن. بۇگىن بۇل ارمان ورىندالدى. مەن لەو سياقتى ويىنشىنىڭ ءبىزدىڭ كلۋبقا قوسىلعانىن ماقتان تۇتامىن. سونىمەن بىرگە ءبىزدىڭ «ينتەر مايامي» قاۋىمداستىعىنا قوسىلعان جاقسى دوسىمدى، تاڭعاجايىپ ادامدى جانە ونىڭ وتباسىن قارسى العانىما قۋانىشتىمىن، –  دەدى بەكحەم.

راسىمدە امەريكالىق كلۋب ترانسفەردى رەسمي تۇردە راستادى. مەسسي بۇل كلۋبقا ەركىن اگەنت رەتىندە اۋىستى. ول اقش كومانداسىندا 10 نومەرمەن ونەر كورسەتەدى.

سونىمەن بىرگە «ينتەر مايامي» فۋتبول كلۋبى يسپانيانىڭ جارتىلاي قورعاۋشى سەرحيو بۋسكەتسپەن كەلىسىمشارت جاساستى.

ونىمەن كەلىسىمشارت 2025 جىلعا دەيىن جاسالعان.

بۋسكەتستىڭ جاسى 34-تە. ول 2005 جىلدان بەرى «بارسەلونا» كلۋبىندا وينادى. بىلتىر بۋسكەتس كاتالونيالىق كلۋبپەن جاڭا كەلىسىمشارت جاساسۋدان باس تارتتى.

ەندى كەلەسى ماۋسىمدا ليونەل مەسسي مەن سەرحيو بۋسكەتس پەن ءبىر كلۋبتا وينايدى.

 

داستان كەنجالين،

استانا

 

«Vamos a disfrutar mucho، la vamos a pasar bien y van a pasar cosas lindas.» — Leo Messi pic.twitter.com/zEhzbnugXG

— Inter Miami CF (@InterMiamiCF) July 17، 2023

Bienvenido a nuestra familia💗🖤 pic.twitter.com/k7VOSGo1lv

— Inter Miami CF (@InterMiamiCF) July 17، 2023

 

Llegó nuestro 5️⃣ pic.twitter.com/cyvZAqX80g

— Inter Miami CF (@InterMiamiCF) July 17، 2023

La PresentaSÍon by Royal Caribbean https://t.co/65qgCXyLiK

— Inter Miami CF (@InterMiamiCF) July 17، 2023