كونفەرەنتسيا ليگاسى: «اقتوبەنىڭ» قارسىلاسى انىقتالدى

بۇعان دەيىن كونفەرەنتسيا ليگاسىنداعى جارىستى ەكىنشى ىرەكتەۋ تۋرنيرىنەن باستايتىن «اقتوبەنىڭ» قارسىلاسى بوسنيا جانە گەرتسوگوۆينانىڭ «ساراەۆو» نەمەسە گرۋزيانىڭ كۋتايسي قالاسىنىڭ «تورپەدو» كوماندالارىنىڭ ءبىرى بولۋى مۇمكىن ەكەنى حابارلانعان بولاتىن. ەندى «اقتوبەنىڭ» ەكىنشى ىرىكتەۋ تۋرنيرىندەگى قارسىلاسى انىقتالدى.

«اقتوبە» 27 شىلدەدە كۋتايسي قالاسىنىڭ «تورپەدو» كلۋبىمەن كەزدەسەدى. ەكىنشى ويىن 3 تامىزدا بولادى. گرۋزيانىڭ كومانداسى بوسنيا كلۋبىن ەكىنشى ماچتا پەنالتيدەن 4:2 ەسەبىمەن ۇتتى. بۇل كوماندالار ءبىرىنشى ويىندا 2:2 ەسەبىمەن تەڭ تۇسسە، ەكىنشى ماتچتا دا 1:1 ەسەبىمەن تەى وينادى. سودان كەيىن 11-مەترلىك پەنالتي سەرياسى بەرىلدى.

كەشە قوستانايدىڭ «توبىل» كلۋبى مسىرت الاڭدا فينليانديانىڭ «حونكا» كومانداسىمەن تەڭ ءتۇسىپ، ءبىرىنشى ويىنداعى 2:1 ەسەبىمەن جەڭىسكە جەتكەنىنىڭ ارقاسىندا كەلەسى كەزەڭگە شىقتى. كونفەرەنتسيا ليگاسىنىڭ ەكىنشى ىرىكتەۋ تۋرنيرىندە شىمكەنتتىڭ «ورداباسى» كلۋبى دا وينايدى. شىمكەنت كلۋبىنىڭ قارسىلاسى — پولشانىڭ «لەگيا» جاساعى.

داستان كەنجالين،

استانا