Atyraýda qazaq kúresinen jarys ótti

Búgin Atyraý qalasyndaǵy №1 BJSM sport zalynda qazaq kúresinen kishi jasóspirimder arasynda «Sport juldyzdary» jýrnalynyń júldesi úshin II batys aımaqtyq ashyq týrnır ótti.

Mekteptiń sport zaly ədemi bezendirilip, eki aq shańqaı kıiz úı tigilgeni jarysqa qatysýshylarǵa kóterińki kóńil-kúı syılady.

Sport mektebiniń dırektory Bımyrza Taıjanovtyń quttyqtaý sózimen ashylǵan týrnırde jýrnaldyń bas redaktory Musaǵalı Tasqalıev týrnırdiń negizgi uıymdastyrýshysy, oblystyq qazaq kúres federaııasynyń prezıdenti Maqsot Aıtjanuly men týrnırdiń bas demeýshisi Murat Sarmanovqa «Dene shynyqtyrý men sportty damytýǵa qosqan úlesi úshin» medalin tabys etse, óz kezeginde Maqsot Aıtjanuly mektep dırektory Bımyrza Amankeldiuly men bas redaktordyń orynbasary Erkin Baqtııarovqa Azııa qazaq kúres federaııasynyń prezıdenti Serik Kenenbaıdyń atynan «Qazaq kúresin damytýǵa qosqan úlesi úshin» omyraý belgisimen marapattady.

Qatysýshylarǵa arnap «Erke-Naz» trıosy men «Injý-Marjan» halyqtyq bı ansambli óner kórsetti.

Týrnırge Atyraý men Batys Qazaqstan oblystarynan 100-ge jýyq palýan 7 salmaq dərejesinde synǵa túsip, jeńimpazdar men júldegerler medaldar men dıplomdarǵa ıe boldy.

Altyn ǴABITQYZY,

ATYRAÝ