SportPress.kz Qazaqstan sport jańalyqtary
Almatyda taekvondodan halyqaralyq týrnır máresine jetti. Respýblıkalyq sport kolledjiniń alańyna tóselgen úsh daıanǵa 1443 sportshy shyqty.
«Barys» taekvondo klýbynyń kýbogy úshin ótetin halyqaralyq saıys eń alǵash ret 2009 jyly uıymdastyrylǵan edi. Oǵan 500-ge tarta sportshy qatyssa, ekinshi jyldan bastap qatysýshylardyń sany kúrt artqan. Al bıylǵy dodaǵa 99 komanda qatysyp, Reseı, Mońǵolııa, Tájikstan, Qyrǵyzstan, О́zbekstan, Ýkraına, Ázirbaıjan syndy elderdiń tegeýrindi taekvondoshylary qatysty. 5 jastan joǵary balalar arasyndaǵy «A» sanatyndaǵy halyqaralyq týrnır úsh kúnge jalǵasty.
Jalpykomandalyq esepte Almaty qalasynyń taekvondoshylary top basyna shyqty.
Almaty qalasynyń jas taekvondoshylary «Barys» klýbynyń kýbogy úshin ótken «A» sanatyndaǵy saıystan 30 altyn, 20 kúmis, 38 qola medal oljalady. Komandalyq esep boıynsha ekinshi satyǵa О́zbekstan sportshylary jaıǵasty. Dańqty bapker Zaınab Nazaralıev ózi bastap 250 sportshyny Almatydaǵy týrnırge qatystrdy. Olar 11 altyn, 12 kúmis, 18 qola medalǵa qol jetkizdi.
– Biz bul týrnırge jyl saıyn qatysamyz, jyl ozǵan saıyn qatysýshy komandalardyń sany artyp keledi. «Barys» klýbynyń kýbogy úshin ótetin halyqaralyq týrnırdiń bedeli joǵary. TMD elderinen óte talantty balalar keledi. Osynaý jarysqa qatysý arqyly da biz shákirtterimizdi shyńdaýdan ótkizemiz, – deıdi Zaınab Nazaralıev.
Jalpy komandalyq esepte úzdik úshtikke Almaty oblysynyń taekvondoshylar jaıǵasty. Olar halyqaralyq týrnırden 31 medal ıelendi.
Qyrǵyz eliniń taekvondoshylary da bul týrnırden medal aldy. Bul el taekvondo sportyn damytý úshin Koreıadan bapker aldyrǵan-dy. In Iýnshý bapkerdiń baǵyt-baǵdar berýimen daıyndyqtan ótken qyrǵyzstandyq sportshylar halyqaralyq týrnırden tórt medal oljalady.
Týrnırdiń saltanatty ashylý rásimine qatysqan Almaty qalasy ákiminiń orynbasary Arman Qyryqbaev respýblıkalyq sport kolledjiniń zalynda osyndaı bási joǵary halyqaralyq týrnıdi jyl saıyn uıymdastyryp, bıyldan bastap «A» sanatyndaǵy týrnırlerdiń qataryna qosqan Respbýlıkalyq sport kolledjiniń dırektory Amalbek Tshanovqa alǵysyn jetkizdi.
Ulttyq ǵylym akademııasynyń prezıdenti Murat Jurynov bul týrnırdi jyl saıyn arnaıy kelip tamashalaıtynyn aıtty. «Talanty jas sportshylardyń talabyna qarap qýanamyn. Elimizdiń sporty alǵa jyljýyna osyndaı mańyzdy saıystardyń ótkeni de septigin tıgizeri sózsiz» dedi M.Jurynov.
Mádenıet jáne sport vıe-prezıdenti Sáken Musaıbekov pen atalǵan mınıstrliktiń jaýapty hatshysy Qýatjan Ýálıev te arnaıy qonaq retinde shaqyrylyp, búldirshinder men jasóspirimderdiń tartysyna rızashylyqtaryn bildirdi.
Toǵyz jyl buryn Almaty qalasynda taekvondodan «Barys» klýby quryldy. Osy ıgilikti iske bastamashy bolǵan memleket jáne qoǵam qaıratkeri, Qazaqstannyń eńbek sińirgen bapkeri, pedagogıka ǵylymdarynyń doktory Amalbek Qozybaqulynyń eńbegi zaıa ketken joq. «Barys» klýbynda shyńdaýdan ótken jastar álemdik saıystarda el namysyn qorǵap júr. Aryǵa tereńdemeı-aq kúni keshe Egıpette kadetter arasynda álem chempıony atanǵan Álıhasan Baqytjannyń jetistigin aıtsaq ta jetedi. Elimizdiń tarıhynda kadetter arasynda alǵash bolyp álem chempıony atanǵan Álıhasannyń armany – Olımpıadanyń altyn medali.
«Barys» sport klýbynyń kýbogy úshin «A» sanatyndaǵy halyqaralyq týrnırdi uıymdastyrýshylardyń da kózdegen mejesi – Qazaq eliniń taekvondoshylaryn Olımp shyńyna shyǵarý.
Q.JOMART,
ALMTATY
