اقتوبەدە مۇعالىمدەر اراسىندا زياتكەرلىك ويىندار ءوتتى

اقتوبە قالاسىندا وتكەن مۇعالىمدەر اراسىنداعى شاحمات پەن دويبىدان قازاقستان كۋبوگى باسەكەسى مارەسىنە جەتتى.

ەلىمىزدىڭ 7 وبلىسىنان كەلگەن ۇستازدار شاحمات پەن دويبىدان ەرلەر مەن ايەلدەر اراسىندا ءار جاس ەرەكشەلىگى بويىنشا سىنعا ءتۇسىپ، قازاقستان كۋبوگى يەگەلەرى مەن جۇلدەگەرلەرىنىڭ ەسىمدەرى بەلگىلى بولدى.
وسى ءدۇبىرلى دودانى ۇيىمداستىرۋعا ۇلكەن ەڭبەك سىڭىرگەن №8 ورتا مەكتەپ ۇجىمىنا (ديرەكتورى ايسۇلۋ بەرىكقىزى جاقسىباەۆا) جانە اتالعان مەكتەپتىڭ دەنە تاربيەسى ءپانى مۇعالىمى نۇرعالي تاۋباەۆتارعا ايتار العىسىمىز شەكسىز.
سونىمەن قاتار «سپورت جۇلدىزدارى» جۋرنالىنىڭ وسى جارىستى وتكىزەمىز دەگەن ۇسىنىسىن بىردەن قابىل الىپ، قولداۋ كورسەتكەن اقتوبە وبلىستىق ءبىلىم باسقارماسىنىڭ باسشىسى ءلاززات ورازباەۆا مەن قازاقستان دويبى فەدەراتسياسىنىڭ پرەزيدەنتى اللا چۋپريك جانە  رەسپۋبليكالىق شاحمات فەدەراتسياسىنىڭ اتقارۋشى ديرەكتورى يرينا گريششەنكو حانىمدارعا بارشا قازاق ەلىنىڭ ۇستازدارى اتىنان ريزاشىلىعىمىزدى بىلدىرەمىز.

قيىن دا قادىرلى ماماندىق يەلەرى، ۇستازدار قاۋىمىنا مۇنداي جارىستار بىلىكتىلىكتەرىن ارتتىرۋ مەن شەبەرلىكتەرىن شىڭداۋ ءۇشىن وتە قاجەت ەكەنى داۋسىز. بۇگىنگى دودادا جەڭىمپاز اتانىپ، ەلدەرىنە كۋبوك پەن مەدالدارعا يە بولىپ ورالاتىن ۇستازدار وزدەرىنىڭ شاكىرتتەرىنە ۇلگى-ونەگە بولارى انىق. اعايلارى مەن اپايلارىنا قاراپ بوي تۇزەيتىن ولار كۇنى ەرتەڭ سالاماتتى ءومىر سالتىن ۇستانىپ، سپورتتى جاندارىنا سەرىك ەتكەن ازاماتتار بولىپ شىعاتىن بولسا ءبىزدىڭ دە العا قويعان ماقساتىمىزدىڭ ورىندالعانى دەپ بىلەمىز. جەڭىستى كۇندەر كوپ بولسىن! قازاق ەلىنىڭ ۇستازدارى جاساسىن! «سپورت جۇلدىزىدارى» جۋرنالىمەن ارقاشان بىرگە بولىڭىزدار!
ءبىز بىرگەمىز – بەرىك ىرگەمىز!

سىزدەرگە دەگەن ىزگى تىلەكپەن:
«سپورت جۇلدىزدارى» جۋرنالىنىڭ ۇجىمى اتىنان:

مۇساعالي تاسقاليەۆ (باس رەداكتور)
التىن عابيتقىزى (باس رەداكتوردىڭ ءبىرىنشى ورىنباسارى)
ەركىن باقتياروۆ (باس رەداكتوردىڭ ورىنباسارى)
ورىنگۇل رايىمقۇلقىزى (قارجى جونىندەگى ديرەكتور)
جاندوس ايانبەك ۇلى (شەف-رەداكتور، استانا-الماتى فيليالىنىڭ ديرەكتورى)
بولاتبەك ساعىمباەۆ ء(باسپاسوز تاراتۋ ءبولىمىنىڭ باسشىسى)
التىنگۇل تولەۋقىزى (بقو فيليالىنىڭ ديرەكتورى)
داراجا جاكاەۆا («سپورت جۇلدىزدارى» جۋرنالىنىڭ «اقنيەت» شىعارماشىلىق ورداسى ديرەكتورى).

اقتوبە