Aqtóbede muǵalimder arasynda zııatkerlik oıyndar ótti

Aqtóbe qalasynda ótken muǵalimder arasyndaǵy shahmat pen doıbydan Qazaqstan Kýbogy básekesi máresine jetti.

Elimizdiń 7 oblysynan kelgen ustazdar shahmat pen doıbydan erler men áıelder arasynda ár jas ereksheligi boıynsha synǵa túsip, Qazaqstan Kýbogy ıegeleri men júldegerleriniń esimderi belgili boldy.
Osy dúbirli dodany uıymdastyrýǵa úlken eńbek sińirgen №8 orta mektep ujymyna (dırektory Aısulý Berikqyzy Jaqsybaeva) jáne atalǵan mekteptiń dene tárbıesi páni muǵalimi Nurǵalı Taýbaevtarǵa aıtar alǵysymyz sheksiz.
Sonymen qatar «Sport juldyzdary» jýrnalynyń osy jarysty ótkizemiz degen usynysyn birden qabyl alyp, qoldaý kórsetken Aqtóbe oblystyq bilim basqarmasynyń basshysy Lázzat Orazbaeva men Qazaqstan doıby federaııasynyń prezıdenti Alla Chýprık jáne  respýblıkalyq shahmat federaııasynyń atqarýshy dırektory Irına Grıщenko hanymdarǵa barsha qazaq eliniń ustazdary atynan rızashylyǵymyzdy bildiremiz.

Qıyn da qadirli mamandyq ıeleri, ustazdar qaýymyna mundaı jarystar biliktilikterin arttyrý men sheberlikterin shyńdaý úshin óte qajet ekeni daýsyz. Búgingi dodada jeńimpaz atanyp, elderine Kýbok pen medaldarǵa ıe bolyp oralatyn ustazdar ózderiniń shákirtterine úlgi-ónege bolary anyq. Aǵaılary men apaılaryna qarap boı túzeıtin olar kúni erteń salamatty ómir saltyn ustanyp, sportty jandaryna serik etken azamattar bolyp shyǵatyn bolsa bizdiń de alǵa qoıǵan maqsatymyzdyń oryndalǵany dep bilemiz. Jeńisti kúnder kóp bolsyn! Qazaq eliniń ustazdary jasasyn! «Sport juldyzydary» jýrnalymen árqashan birge bolyńyzdar!
Biz birgemiz – berik irgemiz!

Sizderge degen izgi tilekpen:
«Sport juldyzdary» jýrnalynyń ujymy atynan:

Musaǵalı Tasqalıev (bas redaktor)
Altyn Ǵabıtqyzy (bas redaktordyń birinshi orynbasary)
Erkin Baqtııarov (bas redaktordyń orynbasary)
Oryngúl Raıymqulqyzy (qarjy jónindegi dırektor)
Jandos Aıanbekuly (shef-redaktor, Astana-Almaty fılıalynyń dırektory)
Bolatbek Saǵymbaev (baspasóz taratý bóliminiń basshysy)
Altyngúl Tóleýqyzy (BQO fılıalynyń dırektory)
Daraja Jakaeva («Sport juldyzdary» jýrnalynyń «Aqnıet» shyǵarmashylyq ordasy dırektory).

AQTО́BE