ازيا چەمپيوناتىندا ەل نامىسىن قورعايدى

تارازدا وقۋ-جاتتىعۋ جيىنىن وتكىزىپ جاتقان ۇلتتىق سپورت تۇرلەرى جاتتىقتىرۋشىلارىنان ءسۇيىنشى حابار كەلىپ جەتتى. اۋدارىسپاق پەن تەڭگە ءىلۋ بويىنشا ىرىكتەۋ اياقتالىپ، 1-2 ماۋسىمدا استانا تورىندە وتەتىن قوس ازيا چەمپيوناتىنا قاتىساتىن سپورتشىلاردىڭ اتى-ءجونى انىقتالىپتى.

سونىمەن، 1 ماۋسىم كۇنى باستالاتىن تەڭگە ىلۋدەن ءىى ازيا چەمپيوناتىنا كىمدەر قاتىسادى؟

تارازدا وتكەن ىرىكتەۋ سىنىنا ىلگەرى جىلدارى تەڭگە ىلۋدەن ەل چەمپيوناتىندا جۇلدەگەر اتانعان بىرنەشە سپورتشى شاقىرىلعان. سول ۇزدىكتەر اراسىنان سۋىرىلىپ شىققان ەكى تەڭگە ءىلۋشى سپورتشىمەن تانىس بولىڭىزدار.

 ماعجان ساپاربەك – 2001 جىلى تۋعان. تۋعان جەرى – وڭتۇستىك قازاقستان وبلىسى  قازىعۇرت اۋدانى، قازىعۇرت ەلدىمەكەنى. تەڭگە ءىلۋ سپورتىمەن 2014 جىلدان باستاپ شۇعىلدانعان. رەسپۋبليكالىق جارىستاردا كوپتەگەن جۇلدەلى ورىنداردى يەلەندى. 2016 جىلى  قازان ايىندا اقتوبە قالاسىندا وتكەن جاستار اراسىنداعى ەل چەمپيوناتىندا – 1 ورىندى،  2017 جىلى الماتى قالاسىندا وتكەن ەرەسەكتەر اراسىندا قازاقستان چەمپيونى اتاندى.

قازاقستان رەسپۋبليكاسى ۇلتتىق قۇراما كومانداسىنىڭ مۇشەسى، قازاقستان رەسپۋبليكاسىنىڭ سپورت شەبەرى. ءىى ازيا چەمپيوناتىنا ىرىكتەۋ جارىسىندا ۇزدىك تانىلعان سپورتشى.

 عالىمجان ءىزجانوۆ  – 1999 جىلى تۋعان. تۋعان جەرى – وڭتۇستىك قازاقستان وبلىسى  شىمكەنت قالاسى. تەڭگە ءىلۋ سپورتىمەن 2010 جىلدان باستاپ شۇعىلدانعان. كوپتەگەن رەسپۋبليكالىق جارىستاردىڭ جەڭىمپازى اتاندى.  تەڭگە ىلۋدەن 2015 جىلى شىمكەنت قالاسىندا وتكەن ءا.داۋىلباەۆ اتىنداعى رەسپۋبليكالىق ءتۋرنيردىڭ  جەڭىمپازى. 2016 جىلى جاسوسپىرىمدەر اراسىنداعى قازاقستان چەمپيوناتىنىڭ كۇمىس جۇلدەگەرى. 2017 جىلعى «اق بيداي» ءVى رەسپۋبليكالىق اۋىل سپورتى ويىندارىنىڭ چەمپيونى. 2015 جىلى استانا قالاسىندا تەڭگە ىلۋدەن وتكەن ءى اشىق ازيا چەمپيونى.

 ال،  اۋدارىسپاقتان ءىىى اشىق ازيا چەمپيوناتىندا ەل نامىسىن كىمدەر قورعايدى؟

 ءدۇبىرلى دودالاردا قازاقستاننىڭ كوك بايراعىن سان مارتە كوتەرگەن داڭقتى بالۋاندارىمىزدىڭ ەسىمىن دە وقىرماندارىمىز الدىن-الا بىلە ءجۇرسىن.

 ءبىرجان قوساليەۆ – 90 كيلودان جوعارى سالماقتاعى باس بالۋان.  ول 1985 جىلى تۋعان. تۋعان جەرى – وڭتۇستىك قازاقستان وبلىسى تولە بي اۋدانى، مايبۇلاق اۋىلى. اۋدارىسپاق سپورتىنا 2011 جىلدان باستاپ قاتىسقان. اۋدارىسپاق جەكپە-جەگىندە العان اتاقتارى – قازاقستاننىڭ 6 دۇركىن چەمپيونى. اسا اۋىر سالماقتا ەكى رەت ازيا چەمپيوناتىن جەڭىپ العان (2014، 2016 ج.ج). 2014 جىلى استانادا  وتكەن ءى اشىق ازيا چەمپيوناتىنىڭ ءابسوليۋتتى سالماقتاعى چەمپيونى. 2017 جىلى حالىقارالىق ءتۋرنيردىڭ ءابسوليۋتتى سالماقتاعى چەمپيونى اتاندى. قازاقستاننىڭ بىرنەشە دۇركىن چەمپيونى.

 سىرىم ءىزباساروۆ — 90 كيلو سالماقتاعى داڭقتى بالۋانىمىز. ول 1989 جىلى تۋعان. تۋعان جەرى – وڭتۇستىك قازاقستان وبلىسى تولە بي اۋدانى، قاراتوبە اۋىلى. اۋدارىسپاق سپورتىنا 2008 جىلدان باستاپ قاتىسقان. اۋدارىسپاق جەكپە-جەگىندە العان اتاقتارى – قازاقستاننىڭ 9 دۇركىن چەمپيونى. اۋىر سالماقتا ەكى دۇركىن ازيا چەمپيونى اتانعان (2014، 2016 ج.ج). 2016 جىلى قىتاي ەلىندە وتكەن ءىى اشىق ازيا چەمپيوناتىنىڭ ءابسوليۋتتى سالماقتاعى جەڭىمپازى. 2017 جىلى 90 كيلودا حالىقارالىق ءتۋرنيردىڭ باس جۇلدەسىن يەلەندى. قازاقستاننىڭ بىرنەشە دۇركىن چەمپيونى.

 ەسىمحان ءراحماتىللا — 80 كيلو سالماقتا قارسىلاس شىداتپايتىن جاس بالۋان.  ەسىمحان 1994 جىلى تۋعان. تۋعان جەرى – وڭتۇستىك قازاقستان وبلىسى ساراعاش اۋدانى، ع.مۇراتباەۆ اۋىلى. اۋدارىسپاق سپورتىنا 2012 جىلدان باستاپ قاتىسقان. اۋدارىسپاق جەكپە-جەگىندە العان اتاقتارى – جاستار اراسىنداعى قازاقستاننىڭ ەكى دۇركىن چەمپيونى، 2016 جىلى ەرەسەكتەر اراسىندا وتكەن « ۇلى دالا ويىندارى» فەستيۆالىنىڭ ءابسوليۋتتى سالماقتاعى جەڭىمپازى، 2017 جىلى 80 كيلو سالماقتا ەرەسەكتەر اراسىنداعى ەل چەمپيونى. 2017 جىلى 90 كيلودا حالىقارالىق ءتۋرنيردىڭ باس جۇلدەسىن يەلەندى. قازاقستاننىڭ بىرنەشە دۇركىن چەمپيونى.

 شىڭعىسحان ەرجانوۆ  –  70 كيلو سالماقتا سىنعا تۇسەدى. شىڭعىس 1995 جىلى تۋعان. تۋعان جەرى – اقتوبە قالاسى، قارعالى اۋىلى. 2011 جىلى 16 جاسىنان باستاپ اۋدارىسپاق سپورتىمەن اينالىستى. رەسپۋبليكالىق جارىستاردا اۋدارىسپاق جەگىندە العان اتاقتارى – 2013 جىلى جاسوسپىرىمدەر اراسىنداعى قازاقستان چەمپيوناتىندا 60 كيلو سالماق دارەجەسىندە ءى ورىندى جەڭىپ الدى. 2015 جىلى قازاقستان رەسپۋبليكاسىنىڭ جاستار اراسىنداعى چەمپيوناتىندا 70 كيلو سالماق دارەجەسىندە ءى ورىنعا يە بولدى. 2016 جىلى جاستار اراسىنداعى ەل چەمپيوناتىندا 70 كيلو سالماقتا چەمپيون اتاندى. 2017 جىلى «اقبيداي» رەسپۋبليكالىق VI اۋىل سپورتى ويىندارىندا ەرەسەكتەر اراسىندا 70 كيلو سالماقتا ءىى ورىندى يەلەندى. ءىىى ازيا چەمپيوناتىنا ىرىكتەۋ جارىسىندا جەڭىمپاز اتاندى. اۋدارىسپاقتان  قازاقستان رەسپۋبليكاسىنىڭ سپورت شەبەرى.

 ازامات سەرعازين – 60 كيلو سالماقتا سىنعا تۇسەدى. ازامات 1996 جىلى تۋعان. تۋعان جەرى – اقتوبە وبلىسى، ايتەكە بي اۋدانى، قارابۇتاق اۋىلى.  15 جاسىنان باستاپ اۋدارىسپاق سپورتىمەن اينالىستى. رەسپۋبليكالىق جارىستاردا اۋدارىسپاق جەگىندە العان اتاقتارى – 2012 جىلى اۋدارىسپاقتان جاستار  اراسىنداعى قازاقستان  چەمپيوناتىندا  50 كيلو سالماقتا، 2013 جىلى جاسوسپىرىمدەر اراسىنداعى ەل چەمپيوناتىندا  50 كيلو سالماقتا ءىى ورىندى يەلەندى.  2017 جىلى جاستار اراسىنداعى  قازاقستان چەمپيوناتىندا  60 كيلو سالماقتا ءىى ورىن الدى. 2017 جىلى «اقبيداي» رەسپۋبليكالىق VI اۋىل سپورتتىق ويىندارىندا ەرەسەكتەر اراسىندا 60 كيلو سالماقتا ءى ورىندى جەڭىپ الدى.   ىىى ازيا چەمپيوناتىنا ىرىكتەۋ جارىسىندا جەڭىمپاز اتاندى. اۋدارىسپاقتان  قازاقستان رەسپۋبليكاسىنىڭ سپورت شەبەرى.

 تولەگەن جاكىتاي