• Қазақ
  •   
  • Qazaq
  •   
  • قازاق
  •   
  • Рус
  •   

    سپورت كونفەدەراتسياسىنا جاڭا باس ديرەكتور تاعايىندالدى

    ەلدوس رامازانوۆ سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسىنىڭ باس ديرەكتورى بولدى. ول مامىر ايىندا ۇلتتىق وليمپيادا كوميتەتىنىڭ باس ديرەكتورى بولىپ تاعايىندالعان نۇرلان نوگەربەكتىڭ ورنىنا كەلدى.

    وسى جىلدىڭ باسىنان بەرى ە. رامازانوۆ سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسى باسشىسىنىڭ كەڭەسشىسى قىزمەتىن اتقارعان بولاتىن.

    –سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسى بىرنەشە جىلدان بەرى ەلىمىزدەگى سپورتتى باسقارۋ مودەلى جاساقتالعان ەڭ ۇزدىك سپورتتىق ۇيىم بولىپ سانالادى. بۇل كۇندەرى كونفەدەراتسيا قۇرامىنا جاقىندا وليمپيادا باعدارلاماسىنا قوسىلعان كاراتە سپورتى دا ەندى. ەلدوس رامازانوۆتىڭ سپورتتى باسقارۋداعى مول تاجىريبەسى ۇيىمنىڭ جۇمىسىنا جاڭا لەپ بەرىپ، سپورت تۇرلەرىن دامىتۋ ودان ءارى جالعاسادى دەپ سەنەمىن، — دەدى سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسىنىڭ توراعاسى دانيار ابۋلعازين.

    ەسكە سالا كەتەيىك، سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسى وليمپيادا باعدارلاماسىنا ەنەتىن بەس سپورت ءتۇرىن دامىتۋعا باسىمدىق بەرۋ ماقساتىندا 2012 جىلى قۇرىلدى. كونفەدەراتسيا قۇرامىنا بوكس، گرەك-ريم كۇرەسى، ەركىن كۇرەس پەن ەركىن ستيلدەگى ايەلدەر كۇرەسى، تاەكۆوندو جانە اۋىر اتلەتيكا ەنگەن. ال 2015 جىلدان باستاپ كونفەدەراتسيا قۇرامىنا ۇلتتىق سپورت – قازاق كۇرەسى دە كىردى.  2018 جىلدىڭ مامىرىنان باستاپ قازاقستان كاراتە وداعى كونفەدەراتسيا مۇشەسى اتاندى.

    انىقتاما:

    ەلدوس رامازانوۆ م. ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن «ەكونوميست» ماماندىعى بويىنشا بىتىرگەن (1993ج.)، سودان سوڭ ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە زاڭگەر ماماندىعىن العان.

    ءار جىلدارى كوممەرتسيالىق قۇرىلىمدار مەن مەملەكەتتىك كاسىپورىنداردا باسشىلىق قىزمەتتە بولعان.

    2004-2006 جج. — مادەنيەت، اقپارات جانە سپورت مينيسترلىگى ەكونوميكا جانە قارجى دەپارتامەنتى ديرەكتورىنىڭ ورىنباسارى، كەيىن اپپاراتىنىڭ جەتەكشىسى قىزمەتتەرىن اتقارعان.

    2006-2007 جىلدارى KAZENERGY قوعامدىق قورىنىڭ اتقارۋشى ديرەكتورى، كەيىن باس ديرەكتوردىڭ ورىنباسارى، «راۋان مەديا گرۋپپ» اق اقپاراتتىق-ساراپتامالىق ورتالىعىنىڭ ديرەكتورى; «كازترانسگاز» اق اپپاراتىنىڭ جەتەكشىسى، «جەتىسۋ» الەۋمەتتىك-كاسىپكەرلىك كورپوراتسياسى ۇق» اق باسقارما باسشىسىنىڭ ورىنباسارى، «بەركۋت» قارجى-ونەركاسىپ كورپوراتسياسى باس ديرەكتورىنىڭ ورىنباسارى، ساۋدا جانە ءوندىرىس پالاتاسىنىڭ ۆيتسە-پرەزيدەنتى بولىپ قىزمەت ەتتى.

    2011-2013 جىلدارى «اتامەكەن وداعى» قازاقستان ۇلتتىق ەكونوميكالىق پالاتا باسقارما باسشىسىنىڭ ورىنباسارى. 2013 جىلدىڭ قىركۇيەگى مەن  2015 جىلدار ارالىعىندا اپپارات جەتەكشىسى، 2015 جىلدان باستاپ باسقارما مۇشەسى، باسقارما باسشىسىنىڭ ورىنباسارى بولىپ جۇمىس ىستەدى.

     

    سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسىنىڭ ءباسپاسوز قىزمەتى.

     

    پىكىر جازۋ

    Your email address will not be published. Required fields are marked *

    *