Дархан Қызайбаев Asian Boxing ұйымының басшылық құрамына тағайындалды

Таиландтың Бангкок қаласында бокстан U19 және U22 жасқа дейінгілер арасындағы Азия чемпионаты аясында Азия бокс федерациясының кезектен тыс конгресі болды.

Жиында жаңа ұйымның басшылық құрамы сайланды.

Қазақстан бокс федерациясының вице-президенті Дархан Қызайбаев Қаржылық және аудиторлық комиссияның төрағасы әрі директорлар кеңесінің мүшесі болып тағайындалды.

Дархан Қызайбаев 2024 жылдың ақпан айынан бастап халықаралық байланыстар жөніндегі вице-президент қызметін атқарып келеді. Сонымен бірге ол 2024 жылдың желтоқсан айында Asian Boxing уақытша кеңесінің құрамына сайланған еді.

Дастан КЕНЖАЛИН,

АСТАНА