Atyraý oblysynyń ákimi Nurlan Noǵaev ótken jyldy qorytyndylap, jańa jylǵa jospar túzgen keleli keńes, alqaly májilis ótkizip, oblystyń sportyn órge tartyp júrgen birqatar azamattardy marapattady.
Sportshylar balyna jınalǵan kópshilik aldynda óńir basshysy Atyraý ólkesinde sporttyń damýyna serpin berip, qoldaý kórsetip, demeýshilik tanytyp júrgen atymtaı-jomart azamattarǵa alǵysyn bildirip, halyq atynan arnaıy tósbelgilermen marapattady. Buqaralyq sporttyń órisi keńýine, shalǵaıdaǵy aýyl, aýdandarda sport nysandarynyń salynýyna da eren eńbegin sińirip, qarjysyn quıǵan kásipkerler de marapatqa kenelip, yqylasqa bólendi.
It jylynda Atyraý oblysynyń sportshylary álemdik dodalarda olja saldy, el ishindegi mańyzdy básekelerde júldesiz qaıtqan joq. О́tken jyly Táýelsizdik merekesi qarsańynda Atyraýda aralas jekpe-jekten M-1 Challenge halyqaralyq týrnır uıymdastyryldy. Atyraý oblystyq deneshynyqtyrý jáne sport basqarmasynyń qoldaýymen ótkizilgen «Challenge Battle in Atyrau» týrnıri álemniń 100 memleketine tikeleı efırde kórsetildi. Atyraý oblysynyń atymtaı-jomart azamattarynyń qolǵa alyp, muryndyq bolýymen ótken M-1 Global saıysy qazaq jerinde alǵash ret uıymdastyryldy.
Osyndaı aıtýly dodalardy ótkizý, uıymdastyrý sharýasyna shash-etekten kómegin kórsetip júrgen jandar qandaı qurmetke de laıyq. Eldiń yqylasy men halyqtyń marapatyna bólenip, qurmetke ıe bolǵan qaıratkerlerdiń biri de biregeıi – Erlan Hısmetuly Tabyldıev. Oblys ákimi belgili kásipker, myrzalyǵy mol meenat Erlan Hısmetulynyń keýdesine «Deneshynyqtyrý men sportty damytýǵa qosqan úlesi úshin» tósbelgisin taǵyp, alǵysyn bildirdi.
Qýanysh NURDANBEK,
ALMATY