SportPress.kz Qazaqstan sport jańalyqtary
Ulttyq ǵylymı-praktıkalyq dene tárbıesi ortalyǵy karantın jarııalanǵaly beri stýdentter men oqýshylar arasynda toǵyzqumalaq, shahmat, besasyq, asyq atý, skakalkadan onlaın týrnırler ótkizip keledi.
1 maýsym balalardy qorǵaý kúnine oraı «Barlyǵy balalar úshin» respýblıkalyq akııasy aıasynda mektep oqýshylary (qyzdar) arasynda uıymdastyrylǵan bes asyqtan onlaın týrnır jeńimpazdary anyqtaldy. Bul týraly Bilim jáne ǵylym mınıstrligi Ulttyq ǵylymı-praktıkalyq dene tárbıesi ortalyǵynyń baspasóz qyzmeti habarlady.
Birinshi oryndy Amantaı Qyzǵaldaq (Aqmola) jeńip aldy. Ekinshi oryndy Serik Káýsar (Nur-Sultan) ıelense, úshinshi orynǵa Sanııa Zeıkenova (SQO) men Dılnaz Myqtybaeva (Qostanaı) ıe boldy.
Saıystyń bas tóreshisi Aqjan Suraǵanov: «2013 jyldan bastap Soltústik Qazaqstan oblysy Asyq oıynynyń aǵa bapkeri bolyp jumys atqaryp kelemin. 2017 jyly oblysymyzda Asyq oıyny federaııasynyn ashyp, sony basqaramyn. Bilim-ınnovaııa lıeıinde dene shynyqtyrý páni muǵalimimin. Oblystyq balalar jáne jasqspirimderdiń sport mektebinde asyq oıynynan aǵa jattyqtyrýshymyn. Joǵary deńgeıli bapkermin. Oqýshylarym birneshe respýblıkalyq, oblystyq jarystardyń chempıondary bolǵan. Qazirgi jaǵdaıǵa baılanysty ótkizilip otyrǵan onlaın týrnırler balalarǵa jańa múmkindikter berip jatyr dep oılaımyn. Ekrannyń arǵy jaǵynda oıyn jınaqtap, ózine senimdi bolýǵa kómektesedi. Balalar úshin árbir saıys tájirıbe jınaqtaý úshin mańyzdy», – dedi.
Besasyqtan ótken onlaın týrnırdiń ereksheligi – tóreshiler ár qatysýshyǵa ýatsappen jeke habarlasyp, oıyndy baqylap, tórelik etýi tıis. Al, shahmat, toǵyzqumalaq týrnırleri arnaıy platformada ótti. Besasyqta tóreshiler (muǵalimder) ár qatysýshyǵa jeke jeke habarlasyp otyrdy. Osyndaı erinbeı, jalyqpaı jas urpaqtyń ıgiligi úshin jumys isteıtin muǵalimder, óz isiniń kásibı sheberleri barlyq qurmetke laıyq.
