Segiz qyrly, bir syrly balýan Hamıt Ysqaquly

Qazaq kúresi kúresi jaıly tarıh betterin paraqtaı otyrǵanda, semeılik ardager balýan Hamıt Ysqaqulyn kózimiz shalady. Orta Azııanyń 3 dúrkin bas balýany, sambo, erkin kúres, dzıýdo jáne qazaq kúresinen Qazaqstannyń sport sheberi, KSRO sport sheberi atanǵan Hamıt aǵamyz segiz qyrly bir syrly jan. Qolyna dombyrasyn alyp án salǵanda, janyńdy tebirentedi.

Ol elimizde qazaq kúresiniń damýyna zor úles qosqan ardaqty balýan. Qazaq kúresinen de respýlıkalyq kóptegen jarystardyń túıe balýany bolyp tanylǵan. Búginde aǵamyz jasyna qaramaı, sportty tastamaı, sambodan  ardagerler arasynda ótip turatyn álem birinshiliginde júldeger atanyp, Qazaqstannyń atyn shyǵaryp júr. Hamıt aǵamyzdy qazaqtyń birtýar baýany Balýan Sholaqqa teńestirgiń keledi. Babamyz da balýandyǵymen qosa ónerpaz, ánshi-sazger boldy emes pe. Balýan Sholaqtyń shyǵarǵan «Ǵalııa» áni kúni búginge deıin, árbir ortada shyrqalyp kele jatqan ómirsheń ánniń biri. Sondyqtan da balýandardyń arasynan da myqty ánshi shyǵatynyna kúmán týmas. Onyń bir naqty dáleli Hamıt aǵamyzdyń ónerli de ónegeli ómiri. Alla sizge uzaq ómir, kúsh-qýat bersin aǵa. El arasynda ánińizben, sánińizben urpaqqa úlgi bolyp júre berińiz.

Myna tómendegi fotolar Dúnıejúzilik qazaq kúresi federaııasynyń  Astanada ótkizgen kezekti álem chempıonatynda túsirilgen edi. Osy álem birinshiliginde qazaq kúresiniń janashyry, álem arenasyna shyǵarǵan ardaqty azamat Serik Adamuly Túkeev aǵamyz, eldegi qazaq kúresine eńbek sińirgen barsha ardaqty aqsaqaldarymyzdy shaqyryp, qurmettegen bolatyn. Sol bir kúnniń esteligi retinde myna fotolardy saqtap qoıǵan ekenmin.

Aqyn ORDABAIULY,

ALMATY