وقۋشىلار پاۋەرليفتينگتەن ونلاين جارىسقا شىقتى

اباي قۇنانباي ۇلىنىڭ 175 جىلدىق مەرەيتويىنا ارنالعان مەكتەپ وقۋشىلارى اراسىنداعى ح جازعى گيمنازيا باعدارلاماسى اياسىندا پاۋەرليفتينگتەن رەسپۋبليكالىق ونلاين جارىس ءوتىپ جاتىر. بۇل تۋرالى ءبىلىم جانە عىلىم مينيسترلىگىنىڭ «ۇلتتىق عىلىمي-پراكتيكالىق دەنە تاربيەسى ورتالىعى» رمقك ءباسپاسوز قىزمەتى حابارلادى.

جارىسقا 9 ايماقتان 100 وقۋشى قاتىسۋدا. ولار –  الماتى، شىمكەنت قالاسى، پاۆلودار، اقتوبە، قاراعاندى، قوستاناي، ماڭعىستاۋ، سولتۇستىك قازاقستان مەن شىعىس قازاقستان وبلىستارىنىڭ وقۋشىلارى.

سپورتتىق شارالار بالالاردىڭ دەنە تاربيەسى ءۇشىن اسا ماڭىزدى. ويتكەنى دەنەنى جاتتىقتىرعان ادام دەنى ساۋ، ءتوزىمدى، ەپتى بولادى. بۇل – اقىل-وي مەن ەرىك-جىگەرىڭدى تاربيەلەۋدىڭ وزىق ۇلگىسى.

مەملەكەت باسشىسى 1 قىركۇيەكتەگى حالىققا جولداۋىندا: «باسەكەگە قابىلەتتى مەملەكەت، زياتكەر ۇلت بولۋ ءۇشىن ءححى عاسىردىڭ ۇرپاعى تەرەڭ ءبىلىمدى، ەڭبەكقور، ءتارتىپ پەن جاۋاپكەرشىلىك، ادىلدىك، ادالدىق سىندى ومىرلىك داعدىلاردى بويىنا سىڭىرگەن تۇلعا بولۋى كەرەك»، – دەپ اتاپ ءوتتى.

جارىستا باق سىناپ جاتقان جاس سپورتشىلار جوعارىدا اتالعان قاسيەتتەردى بويىنا سىڭىرە الادى دەپ سەنەمىز! بارلىق جاس ورەندەرگە ساتتىلىك تىلەيمىز!