ب ۇلىكشىلەرگە قارسى تۇرعان باتىر باسشى

الماتىداعى قاڭتاردىڭ قايعىلى وقيعاسى قازاق ەلىنە اۋىر ءتيدى. قانشاما بوزداقتار الاڭعا شىعىپ، وققا ۇشىپ، قازا بولدى. ءيا، قازىرگى رەسمي دەرەكتەردە 200-دەن اساتىن ساندى جاريا ەتۋدە. ال، نەگىزىندە ودان ەكى ەسە كوپ قازاق جاستارى جان قۇشتى.

قاڭتاردىڭ قايعىلى كۇندەرىنىڭ سەبەپ-سالدارىن ۇكىمەت تاراپىنان تاعايىندالعان ارنايى كوميسسيا ءالى زەرتتەپ جاتىر. دەگەنمەندە بەيبىت شەرۋگە ىلەسە شىققان جازىقسىز جاندار اۋىر جازاعا تارتىلىپ كەتپەسە ەكەن دەگەن ۇمىتتەمىز. ۇكىمەتتىڭ سوڭعى كەزدەردەگى ساياساتىنا قاتتى نارازىلىق بولعان حالىق بەيبىت شەرۋدى ەلىمىزدىڭ ءار ايماعىنان باستاعان بولاتىن. جاڭاوزەندەگى سۇيىتىلعان گاز باعاسىنىڭ شەكتەن تىس قىمباتتاۋىنىڭ اسەرىنەن حالىق كوتەرىلىپ، ۇكىمەتكە ءوز تالاپتارىن قويدى. ەل پرەزيدەنتى كۇن وتپەي بۇل تۇينەكتى ماسەلەنىڭ شەشىمىن شىعارىپ، گاز باعاسىن 50 تەڭگەگە دەيىن تومەندەتتى. ال، جاڭاوزەن جۇرتى ءوزىنىڭ دەگەنىنە جەتىپ تىنىشتالعانى سول-اق  ەدى، الماتىدا كەرىسىنشە، كوشە بويى وتقا ورانىپ، ب ۇلىكشىلەر وتالا تۇسكەن بولاتىن. اقىرى نەمەن اياقتالعانىن ءبارىمىز كورىپ بىلدىك. بەيبىت شەرۋمەن حالىقتىڭ مۇڭىن جوقتاپ شىققان قازاقتىڭ سانالى جاستارى، ورتاعى كىرىپ كەتكەن قاندىقول قاراقشىلاردىڭ جەتەگىندە  كەتىپ، نە ىستەپ نە قويعاندارىن بىلمەي دە قالدى.

قۇداي باسقا بەرمەسىن، كوشە بويىندا قولدارىنا سۋىق قارۋ ۇستاعان سۇستى  توپتار الدىنا كەزدەسكەنىن ۇرىپ-سوعىپ، ماڭىزى زور نىساندار مەن كوشە بويىندا ورنالاسقان ساۋدا-دۇكەندەردى استان-كەستەن ەتىپ تونادى. ادام ەمەس بەينە ءبىر جىرتقىشتار سەكىلدى بۇل توبىر ايۋاننىڭ ءىسىن ىستەپ، اياۋشىلىق دەگەندى مۇلدە ۇمىتقان. قارۋلارىن وڭدى سولدى سىلتەگەن باسبۇزارلار ازىق-ت ۇلىك، كيىم-كەشەك جانە ەلەكترونيكا دۇكەندەرىنە باسىپ كىرىپ، توپالاڭ سالىپ تۇك قالدىرماي توناپ كەتتى.

اسەم قالامىز الماتىدا تۇلا بويىن كەك الىپ، كوزدەرى قانتالاعان جاستاردىڭ كوشەدەگى ب ۇلىگى قانتوگىسپەن اياقتالدى. قانشاما جاستارىمىز قىرشىننان قيىلدى. قانشاما انا بوتاداي بوزداپ بالاسىنان ايىرىلىپ، ءتىپتى مۇردەسىن دە تابا الماي زار يلەپ قالدى. پرەزيدەنت ۇجىمدىق قاۋىپسىزدىك شارتى بويىنشا كورشى ەلدەردەن كومەك كۇشىن شاقىرىپ، ب ۇلىكشىلەردىڭ باراتىن ماڭىزدى نىساندارىنا توساقاۋىل قويدى. دەسەك تە سول سىرتتان كەلگەن اسكەرلەردىڭ ءبىزدىڭ جاستارعا وق اتپادى دەگەنگە سەنۋ ارينە، قيىن. ب ۇلىكشىلەر شاراسىزدان قالادان اۋىل-اۋىلعا قاشىپ جان ساۋعالاپ كەتتى. دەگەنمەن ۇكىمەتتىڭ قۇرىعى ۇزىن، كۇنى بۇگىنگە دەيىن جەر-جەرلەردەن سۋىق قارۋ اسىنعان جاستارىمىز تۇتقىندالىپ، زاڭ الدىنا اپارىلۋدا. ال، ەندى سول ءبىر قانتوگىس كوشە بويلاپ جۇرگەن كۇندەرى بولعان ءبىر وقيعانى ايتا كەتسەك.

كوشە بويىن تالقانداپ كەلە جاتقان ب ۇلىكشىلەر توبى 5 قاڭتار كۇنى شەۆچەنكو مەن بايزاقوۆ كوشەلەرىنىڭ قيىلىسىندا ورنالاسقان كاركەن احمەتوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجىنىڭ قابىرعاسىنا تاقاعان ەدى. ءجاسوسپىرىم دارىندى بالالار وقيتىن مەكتەپتى تاس-تالقان ەتۋ ويىمەن  تەمىر قورشاۋلاردى مايىستىرىپ، ىشكە باسىپ كىرۋ امالىنا كوشەدى. ءدال سول كەزدە مەكتەپ ديرەكتورى سەيىلحان باقتىعالي ۇلى قاراقوۆ قاندىقول ب ۇلىكشىلەردىڭ قاhارىنان قورىقپاي  الدارىنا كەسە-كولدەنەڭ تۇرىپ، مەكتەبىن ۇلكەن قاتەردەن قورعاپ قالعان ەكەن. بالاسىن قورعاعان بوزتورعايداي، ب ۇلىكشىلەردى توقتاتىپ، اتالى ءسوزىن ايتىپ بەتىن قايىرىپتى. ءيا، ەشنارسەنى ۇقپاي ءوز دەگەندەرىن ىستەپ جولىن قيراتىپ كەلە جاتقان توپتىڭ قاhارىنان قورىقپاي تۇرىپ، «جىگىتتەر بۇل جەردە ءبىرىڭ ءىنىڭ، ءبىرىڭ باۋىرىڭ بولاتىن قازاقتىڭ ءجاسوسپىرىم بالالارى وقيدى. سوندىقتان دا ءوز قازاعىنىڭ وتىن تالقانداپ، قيراتۋدان ەشقانداي ابىروي تاپپايسىڭدار. قايتىڭدار! تاراڭدار! قويىڭدار بۇل بۇزاقىلىقتى»، دەپ قارسى تۇرىپ العان ەكەن. سوسىن ىشتەرىندە سانالى بىرەۋلەرى اقىلعا كەلىپ، «جۇرىڭدەر، كەتتىك»، دەپ ءبارىن ىلەستىرىپ الىپ، كوشە بويلاپ تومەن قاراي جۇگىرە-ءجۇرىپ كەتسە كەرەك.

مىنە، بىلىكتى باسشىنىڭ باتىر قيمىلى. سەيىلحان باقتىعالي ۇلىنىڭ اتا-بابالارى باتىر ءارى بالۋان بولعان كىسىلەر ەكەن. جۇرەك جۇتقان باسشىنىڭ قاhارلى توپقا قايمىقپاي قارسى تۇرىپ، ءوزىنىڭ ءبىلىم شاڭىراعىن قورعاپ قالۋى ۇلكەن ەرلىك ءارى ناعىز ازاماتتىق دەپ باعالاۋعا بولاتىن شىعار. قالاي دەسەك تە ابايشا ايقاندا، ەسسىز توبىرعا قايمىقپاي قارسى كەلۋ ەكىنىڭ ءبىرىنىڭ قولىنان كەلە بەرمەسى ءبىر انىق. سەيىلحان باقتىعالي ۇلى سول قاتەرلى كۇندەردى مەكتەپ قابىرعاسىندا قالىپ، ءبىر كوز ىلمەي كۇزەتكەن ەكەن. قازىر قاندىقول ب ۇلىكشىلەر قيراتىپ كەتكەن قورشاۋلار تۇگەلدەي جوندەلىپتى. الدا وقۋ ماۋسىمى باستالادى. وليمپيا ويىندارىنىڭ كۇمىس جۇلدەگەرى ەلدوس سمەتوۆ سەكىلدى دارىندى جاستار تۇلەپ ۇشىپ شىعىپ جاتقان بۇل مەكتەپ-ينتەرنات كوللەدجدە وقيتىن بالالار وسىنداي جولبارىس جۇرەك باتىر باسشىلارى بولعانىن  ماقتان ەتەرى انىق.

اقىن ورداباي ۇلى،

الماتى