«اقتالۋعا قاقىمىز جوق»: مەسسي ارگەنتينانىڭ جەڭىلىسى تۋرالى ايتتى

ليونەل مەسسي كاتاردا فۋتبولدان ءوتىپ جاتقان الەم چەمپيوناتىندا ساۋد ارابياسى قۇراماسىنان جەڭىلگەن ارگەنتينا كومانداسىنىڭ ويىنى تۋرالى ايتتى.

«ساۋد ارابياسىنان جەڭىلىپ، پسيحولوگيالىق سوققى الدىق. چەمپيوناتتى وسىلاي باستايمىز دەپ ويلاماعان ەدىك. ءبىز وزىمىزگە سەنىمدى بولدىق. ءۇش ۇپاي الىپ، جانىمىز تىنىش بولسىن دەدىك. بىراق ءبارىنىڭ وڭاي بولا قويمايتىنىن كوردىك. ءبىز قارسىلاسىمىزدى جاقسى ءبىلىپ، وينادىق. گولدى تەز سالدىق. سودان كەيىن تاعى دا قاقپانى ءدال كوزدەدىك. الايدا تورەشى ءبىزدىڭ وينىشىلاردى ويىننان تىس قالدى دەپ گولداردى ەسەپكە المادى. سوعان قاراپ ءالى دە گول سالامىز دەپ ويلادىق. سونداي وي بولعان كەيىن قاتەلەستىك.  بىزدىڭ جەڭىلىسىمىز سول ويدان باستالدى»، — دەدى مەسسي.

ودان ءارى ارگەنتينالىق كوماندانىڭ ساۋد ارابياسى قۇراماسىنىڭ «قاقپانىنا» ءتۇسىپ قالعانىن، قارسىلاستارىنىڭ ەكى گول سالىپ، قورعانىستا ساۋاتتى ويناعانىن اتاپ ءوتتى.

ەندى اقتالۋعا ەش قاقىمىز جوق. بىزگە كوپ جۇمىس ىستەپ، جاعدايدى رەتتەۋ كەرەك. ساۋد ارابياسى — مىقتى قۇراما. ونى الاڭدا دالەلدەدى.

مۇنداي جاعداي ءبىرازدان بەرى بولماعان ەدى. ەندى ارگەنتينا قۇراماسى مىقتى ۇجىم ەكەنىن الداعى كەزدەسۋلەردە دالەلدەۋى كەرەك.

قاتەلىكتەر ەسكەرىلەدى. ماقساتىمىزعا جەتۋ ءۇشىن بار كۇش-جىگەرىمىزدى سالامىز. مەنىڭ جاعدايىم جاقسى. بىراق، ناتيجەگە كوڭىلىم تولماي ءجۇر»، — دەدى مەسسي.

داستان كەنجالين،

استانا