«Aqtalýǵa qaqymyz joq»: Messı Argentınanyń jeńilisi týraly aıtty

Lıonel Messı Katarda fýtboldan ótip jatqan álem chempıonatynda Saýd Arabııasy quramasynan jeńilgen Argentına komandasynyń oıyny týraly aıtty.

«Saýd Arabııasynan jeńilip, psıhologııalyq soqqy aldyq. Chempıonatty osylaı bastaımyz dep oılamaǵan edik. Biz ózimizge senimdi boldyq. Úsh upaı alyp, janymyz tynysh bolsyn dedik. Biraq báriniń ońaı bola qoımaıtynyn kórdik. Biz qarsylasymyzdy jaqsy bilip, oınadyq. Goldy tez saldyq. Sodan keıin taǵy da qaqpany dál kózdedik. Alaıda tóreshi bizdiń oınyshylardy oıynnan tys qaldy dep goldardy esepke almady. Soǵan qarap áli de gol salamyz dep oıladyq. Sondaı oı bolǵan keıin qatelestik.  Bizdiń jeńilisimiz sol oıdan bastaldy», — dedi Messı.

Odan ári argentınalyq komandanyń Saýd Arabııasy quramasynyń «qaqpanyna» túsip qalǵanyn, qarsylastarynyń eki gol salyp, qorǵanysta saýatty oınaǵanyn atap ótti.

Endi aqtalýǵa esh qaqymyz joq. Bizge kóp jumys istep, jaǵdaıdy retteý kerek. Saýd Arabııasy — myqty qurama. Ony alańda dáleldedi.

Mundaı jaǵdaı birazdan beri bolmaǵan edi. Endi Argentına quramasy myqty ujym ekenin aldaǵy kezdesýlerde dáleldeýi kerek.

Qatelikter eskeriledi. Maqsatymyzǵa jetý úshin bar kúsh-jigerimizdi salamyz. Meniń jaǵdaıym jaqsy. Biraq, nátıjege kóńilim tolmaı júr», — dedi Messı.

Dastan KENJALIN,

ASTANA